ANF-SEFOPE ABERTURA FORMASAUN LIAN INGLES BA FORMANDU 47.

Dili-21/08/2024-Média Defisiensia, Asosiasaun Naroman ba Futuru, realiza abertura ba formasaun lian ingles ba kandidatu PALM Sessional Worker ne'ebé ho valor, seidauk di'ak ka sufisiénte ba formandu hamutuk 47 durante fulan tolu ba leten.

Diretór Ezekutivu Sentru Formasaun Naroman ba Futuru Jónio de Carvalho Soares hatete objetivu husi abertura ba sentru formasaun ne'e husi parte SEFOPE ho Asosiasaun Naroman ba Futuru hodi fasilita kandidatu traballadór ne'ebé foin lalais teste hetan valor 49-0.

"Objetivu atu fó formasaun ba kandidatu sira ne'ebé foin lalais teste iha SEFOPE ne'ebé sira nia valor la di'ak no sufisiente ita sente naroman ba futuru ho nia knaar ida ke klaru katak ita ajuda sira iha língua, entaun ita haree ba nesesidade ita-nia komunidade no joven sira ne'ebé hakarak ba servisu iha rai-li'ur liuliu iha Austrália, Sentru formasaun ida ne'e rejistadu iha governu no atu bele ajuda no apoiu sira hodi bele atinji sira nia hakarak ba servisu iha rai li'ur."Dehan Diretór ANF Jónio iha Delta II, 21/08.

Diretor ANF afirma dadaun ne'e sentru iha formandu na'in-47 mak tuir formasaun iha sentru refere, formandu  sira ne’e hotu mai husi Munisípiu la hanesan.

"Ita iha formandu na'in 47 ne'ebé espesial ba sira ne'ebé valor la liu nee, sira iha ne'e la kahur entaun sira mai rejisti iha ne'e mai husi Munisípiu diferente maioria husi Munisípiu Viqueque, Baucau ,Bobonaro Ainaru Lospalos nomós Ermera iha feto hamutuk 25 no mane na'in 19." Nia dehan.

Iha fatin hanesan Reprezentante Diretor Jeral  SEFOPE Manuel Soares Lemos, dehan agradese ba sentru formasaun sira ne'ebé rejistadu ona, tanba bele ajuda SEFOPE hodi fasili formasaun sir aba maluk joven sira atu bele kapasita abilidade lingua nian.

"Iha oportunidade ida ne'e bele partilla informasaun ba importante sira ba maluk joven sira liuliu ba sentru sira ne'ebé antes ne'e halo kooperasaun ho SEFOPE tanba ne'e ba sentru formasaun sira ne'ebé rejistadu Komunitáriu ka husi parte sofope nian, SEFOPE sempre apresia no Agradese ba sira tanba sira sempre bele tulun SEFOPE iha parte formasaun nian" dehan reprezentante SEFOPE iha Delta II

Representante ne’e afirma ba kandidatu sira bele tuir formasaun iha ne'ebé de'it, tanba estudante balu eskola iha Dili bele tuir formasaun sira iha capital no sira iha Munisípiu tuir formasaun kada sira nia munisipiu rasik.

"Iha sentru ne'ebé de'it kandidatu sira iha Munisípiu ne'ebé de'it sira bele tuir kursu, ezemplu hanesan estudante ne'ebé eskola iha dili, sentru formasaun balu iha Dili sira bele ba kursu iha ne'ebá tanba balu iha Munisípiu mós la presiza mai tuir kursu iha ne'e tanba iha Munisípiu mós iha formasaun ne'ebé fasilita husi SEFOPE", Nia Salienta.

Tuir Formandu Jordan Ashburner nu'udar skill advisor haktuir nu'udar joven aproveita oportunidade sira ne'e hodi kontribui ba ita boot nia an rasik no hadia ekonomia família.

"Kontribui ita-boot nia tempu hodi kria oportunidade sira ne'ebé di'ak liu ba ita-boot nia an rasik tanba traballador atu servisu iha Austrália ne'e menus entaun ne'e oportunidade di'ak ba imi, hodi aplika, no tuir formasaun hirak ne'e tanba governu halo parseria ho Austrália atu nune'e hodi haruka joven barak ba servisu iha Austrália, hodi hadiak ekonomia uma-laran", Tenik Jordan.

Entretantu formasaun refere la hetan apoiu husi governu maibé formandu sira kontribui liuhusi selu osan kada fulan, nune'e sentru formasaun uza osan refere hodi fasilita matéria rekursu sira no selu formadór sira, no formasaun refere nia durasaun másimu fulan neen no mínimu fulan tolu depende ba formandu nia abilidade no kompreensaun lian ingles depois sira komprende ona bele  lori sertifikadu ba aprezenta iha SEFOPE. Sentru Formasaun refere hetan akreditasaun husi INDMO sira merese fó formasaun ba formandu sira iha sentru formasaun komunitàriu.

Jornalista : Anjelmo & Geraldino

Editor : Média RKDTL