SEI ORGANIZA DISKUSAUN VBJ HO LIÑA MINISTERIU BA DALA RUA.

 

Dili-10/07/2024-Média Defisiensia, Sekretariu Estadu ba Igualdade, organiza eventu diskusaun hamutuk ho liña ministeriu no parseiru internasional kona-ba advokasia Violensia Bazeia ba Jeneru durante ne’e,  hodi fó atendimentu ba vitima no ema vulneravel sira.

Tuir Diretór Jeral SEI Armando da Costa afirma, ohin realiza eventu diskusaun ne’e ba dala rua,  atu haree liña ministeriu, rede referral, sosiedade sivil no parseiru internasional sira nia advokasia, hodi fó atendimentu no fornesimentu ba iha área VBJ. 

“Ohin organiza enkontru rede referal  ba nivel advokasia SEI ho nia parseiru sira hotu mai husi liña ministeriu, sosiedade sivil  ho parseiru internasional sira ne’ebé haknaar a’an iha área prevensaun violensia Bazeia ba Jeneru hodi koalia kona-ba atendementu fornesementu sira ne’ebé membru referal halo  ba ita nia sosidade liu-liu ba maluk sira ne’ebé iha kontextu hanesan sobrevivente no vitima ba violensia”, Dehan DJ iha Salaun SEI Kaikoli, 08/07.

Diretor salient, enkontru ne’e hodi halo diskusaun ba problema ne’ebé rede referal sira hetan iha advokasia, hodi tau ideia hamutuk hodi solusiona ba problema VBJ ne’ebé akontese ba vitima sira tanba sei aas  iha komunidade nia leet.

“Rede referral relata proglema sira ne’ebé hasoru iha nivel advokasia hamutuk, hodi haree asaun no solusaun ne’ebé relevante ba proglema sira kazu sira ne’ebé membru sira hasoru, bainhira halo atendementu ba iha komunidade, no servisu importante mak membru referal  halo prevensaun ba violensia bazeia ba jeneru loos duni, ohin relata ita nia nomor violensia domestika violensia hasoru labarik feto, labarik feto labarik em jeral nomos maluk sira ho defisiensia tanba problema ne’e sei a’as iha ita nia sosiedade, tanba ne’e nafatin dezemina informasaun, hodi hasae konsiensia no mudansa atetudi husi ema nian  atu bele redus no hapara violensia sira ne’e”, Subliña DJ.

Iha fatin hanesan Diretora Ezekutiva Fokupers Domingas Afonsu Amaral hatete, diskusaun ohin importante tebes atu rede referal sira bele hala’o servisu makas, hodi halo advokasia no asegura feto ho labarik sira ne’ebé mak sei hasoru hela VBJ iha sosiedade.

“Hau hanoin ida ne’e importante tebes satan SEI ne’ebé mak hola papél importante atu lidera redi referal ba advokasia, hanesan makinaria estadu atu asegura bu’at ida igualidade jeneru SEI halo ona nia papél ho di’ak loos, tanba ita envolve organizasaun sosidade sivil sira  ne’ebé durante ne’e halo servisu ba iha asisténsia ba feto ho labarik sira ne’ebé mak vitima no ema volneravel sira, ita konsidera ema hotu-hotu inklusaun ita asegura nomos envolve ona ministeriu relevante balu, nune’e ita nia advokasia ne’e ita bele mai ho isu ida no mós ita bele to’o ikus ita bele hetan nia asaun ruma iha inplementasaun”, Tenik Diretora.

Entretantu Diretora deseza katak, enkontru sira ne’e bele kontinua nafatin, no ita  presiza envolve  ministeriu relevante sira balu hanesan ministeriu Justisa, ita hanoin importante  envolve mós parte  Igreja sira interasante loos,  nune’e ita mai ho advokasia ho isu ida ita hamutuk halo advokasia, nune’e sira ne’ebé mak autór prinsipal sira liu-liu ministeriu saude bele  toma konsiderasaun ba isu ne’ebé mak ita hakarak atu advoka iha futuru.

Jornalista : Anjelmo & Geraldino

Editór: Média RKDTL