Luanda, Angola-11/07/2024-Média
Defisiensia,
Prezidente Republika Demokratika Timor-Leste, inaugura embaixada foun
Timor-Leste nian iha Repúblika Angola, hodi hametin relasaun diplomátiku.
Tuir
Xefe Estadu José Ramos-Horta hatete agradese ba nasaun Republika Angola disponibiliza
lalais espasu ba embaixada foun ba Timor-Leste, hodi hametin relasaun
diplomátiku entre nasaun rua.
“Momentu
importante ida ba relasaun bilaterál no agradesimentu ba Angola ne'ebé
disponibiliza lalais espasu ba embaixada, ne’ebé marka pasu signifikativu ida,
hodi hametin relasaun diplomátiku entre nasaun rua ne’e ohin inagura embaixada
foun Timor-Leste nian, iha Republika Angola no benefísiu mútua sira ne'ebé
embaixada foun ne'e sei lori ba nasaun rua ne'e, nune'e mós ba CPLP”, Dehan
Xefe Estadu, liuhusi KI, 09/07.
Prezidente
afirma planu sei rekrutamentu funsionariu embaixada planu sira, tuir akordu
ne’ebé asina ona, atu toma konta ba nesesidade no ezekuta memoradu sira ho
di’ak, hodi haburas kooperasaun iha futuru.
“Trasa
planu sira ba rekrutamentu funsionáriu embaixada nian aleinde embaixadór,
subliña nesesidade ba ekipa ida, hodi implementa no ezekuta memorandu no akordu
sira ne'ebé foin lalais ne'e asina. Prezidente iha konfiansa katak, embaixada
sei ativu tebes hodi haburas kooperasaun entre Timor-Leste no Angola”, Tenik
PR.
Entretantu,
Ministru Negósiu Estranjeiru Angola nian konfirma katak nia nasaun asegura ona
instalasaun sira iha Díli, ho embaixadór Angola nian vizita ona kapitál Timor
nian. Ministru repete sentimentu amizade no solidariedade entre nasaun rua
ne’e, no sita liafuan husi eis-Prezidente Angolanu, Agostinho Neto nia liafuan
“Saida mak konta ba ita la’ós jeografia, maibé ideolojia”.
Jornalista :
Anselmo Martins
Editor :
Média RKDTL
0 Comments