GASPAR: LORI DEFISIENSIA HOTU HATO’O PARABENS BA RESTAURASAUN INDEPENDENSIA BA DALA 22

 

Dili-03/06/2024-Média Defisiensia, Asessor Prinsipal ba Presidente Repúblika Gaspar Afonso Soares ba jornalista sira iha nia diskursu katak, lori ema ho Defisiensia sira hotu hato’o parabens ba loron restauirasaun independensia Timor-leste nian ba dala 22.

Tuir nia, iha I Governu hodi mai to’o IX Governu primeiru vés reprezenta ema ho Defisiensia sai assessor Prinsipal inkluzaun iha palasiu president ninian, liu husi kapasidade ne’ebé mak iha hodi dezenvolve no luta ba direitu dever EhD nian.

“ema ho defisiensia hakarak apresia no hato parabéns ba rai doben Timor leste ne’ebé restaura independensia ba dala 22,  nune dezenvolvementu barak ita hotu halo ona tanba ne’e hau hanesan ema ho defisiénsia hanesan ema ho defisiénsia ne’ebé sai defensor ba direitu ba ema ho defisiénsia no primeira ves reprezenta ema ho defisiénsia iha orgaun estado hakarak hato apresiasaun ba publiku katak husi primeiru governo to ohin loron ita hotu nafatin iha esperansa hodi luta ba rai doben ida ne’e ho matenek ne’ebé ita iha hodi dezenvolve nasaun Timor-leste, maibé ita hotu nafatin presiza hare direitu no dever ema ho defisiénsia nian to’o ona iha ne’ebé,”dehan porta vóz Gaspar iha Palasiu Presidenti Bairo-Pite Dili 31/05.

Asessór ne’e hatutan, governu tenki tau prioridade mós ba asuntu sosiál liu-liu bele liberta Ema ho Defisiensia husi kiak iha setór hotu-hotu, husu mós ba maukun sira atu hamutuk hodi lori Timor-leste ida ne’ebé di’ak iha futuru.

 “no saida mak atu kontinua kontribui hodi dezenvolve tanbá hanesan nasaun direitu demokratiku Timor leste, 1 partisipasaun ema ho defisiénsia nian iha dezenvolvementu nasional 2, ukun nain sira tenke tau prioridade ba asuntu social liu-liu liberta ema ho defisiénsia husi kiak no setor hot hotu, 3 bainhira hamosu lezislasaun ruma no   dekreta lei ruma liga ho asuntu ema ho defisiénsia presiza konsulta ho ema defisiénsia, 4 ukun nain sira tenke fo oportunidade ba ema ho defisiénsia atu inklina a’an servisu iha instituisaun públiku ne’ebé  mak dadaun ne’e soxelensia Prezidenti da Repúblika  sai ezemplar, 5 husu ba ukun nain sira maun bo’ot sira foliman ba malu  hodi lori prosperioridade ba Timor leste nia di’ak no jovén no povu nia diak parabéns ba povu doben Timor leste tanba restaura ona ita nia ukun a’an ba dala 22,” hakotu nia.

enkuantu nia deskonfia lider sira seidauk fo liman ba malu hamutuk hodi lori Timor-leste no bele liberta povu liu-liu ema ho defisiensia sira husi kiak.

Jornalista         : Anselmo

Editor               : Média Defisiensia