ADTL REALIZA SEMINARIU NASIONAL VALORIZA EHD BA PAN 2021-2030

 

Dili-05/06/2024-Média Defisiensia, Asosiasaun Defisiensia Timor-leste ADTL Realiza Seminariu Nasional ho tema valoriza Ema ho Defisiensia liu husi aloka rekursu hodi implementa planu asaun nasionál Defisiesnsian 2021-2030 no lansamentu mós ho video ida ida kona ba asesibilidade no rampa iha setór transporte rodaviariu.

Director Ezekutivu ADTL Cezario da Silva hatete, liu husi seminariu ne’e atu bele diskuti hamutuk ho governante sira kona ba alokasaun rekursu ba implementasaun PAN 2021-2030.

 “Seminariu ida ohin ita koloka seminariu ida ne’e ita konsidera katak, seminariu nasional ba direitu ema ho defisiensia nian ne’ebé ho topiku “valoriza direitu ema ho defisiensia nian liu husi aloka rekursu estadu nian, hodi implementa planu asaun nasional inklui konvesaun direitu ema ho defisiensia. Entaun seminario ida ohin intensaun bo’ot halo diskusaun ho intidade governante sira parlamentu no intedade hot-hotu atu bele diskuti hamutuk saida mak atu valoriza direitu ema ho defisiensia, tanba ne’e ami nia prespetivu ba atu valoriza direitu ema ho defisiensia liu liu governu no estadu, no governu ita presiza aloka nia rekursu,”dehan Cezario ba jornalista sira iha salaun MTC 04/06.

aleide seminariu lansa mós video asesibilidade transporte rodaviariu iha no rampa MTC atu sai hanesan ezemplu ba ba ministeriu sira seluk atu bele banati tuir hodi tau mos iha sira nia palnu nune’e bele halo rampa iha edifisiu kada ministeriu sira tuir lema ne’ebé iha katak la bele husik ema ida kotuk.

“ohin mo’os iha lansamentu ba video ida liu-liu video ne’e kona ba asesiblidade transporte roda viaria transporte trestres nian entaun video ida ne’e no ranpa ida iha ministeriu tranporte komunikasaun nune ranpa ida ne’e sai ezemplu ba ministeriu sira seluk atu ema ho defisiensia  sir abele asesu bele uteliza hau hanoin ezemplu ida ne’ebé diak ba ministeriu sira seluk kona ba fatin públiku hot-hotu presiza iha ranpa atu nune  ema ho defisiensia bele hola parte ita nia konpermisiu bo’ot liu liu objetivu dezenvolvementu sustentabel ne’ebé ho nia lema ida mais importante lo’os lahusik ema ida iha kotuk hau hanoin asaun simples sira hanesan ne’e sira bele kontribui atu ema ho defisiensia sira bele hola parte iha oportunidade hot- hotu,” nia hatutan.

Nia informa tan, ADTL hanesan organizasaun mahon ba organizasaun Defisiensia sira hotu iha TL dadaun ne’e halo hela identifikasaun ba maluk defisiensia sira ne’ebé mak servisu ona iha instituisaun públiku sira, tanba ne’e bareira ne’ebé sira sei hasoru mak asesibilidade.

 “ADTL  hanesan organizasaun ida hodi subrina ba organizasaun sira hotu ne’ebé mak servisu tau matan ba ema ho defisiensia  sira, ita iha hela prosesu atu identifika ema ho defisiensia hira mak servisu iha instituisaun públiku maibe ami nia peskiza hatudu katak bareira lubuk ida maka ema ho defisiensia hasoru iha fatin públiku sira bareira ida mak asesiblidade rasik bareira ida mak apensamentu politiku nain sira nian pensamentu instituisaun nian ema nian ba ema ho defisiensia nian hanoin dahan ema ho defisiensia labele halo servisu ida por ezemplu matan tilun ida ne’e labele halo servisu situasaun ida ne’e par impede ema porbolta 25 pessoas ema ho defisiensia dadauk ne’e halao hela sira nia servisu iha intituisaun públiku sira balu liu husi rezimi ka kordena apoiu servisu koperasaun servisu ne’ebé iha autoridade nasional patroliu ne’e servisu hamutuk ho asosiasaun hodi fo ema ho defisiensia nain 3 hodi halao servisu iha ne’ebá,”hakotu nia.

Fatin hanesan Ministru Transporte Komunikasaun Miguel Manetelu hatete, semana rua liu ba kotuk MTK foin lansa mestre transporte públiku iha Timor Plaza no hetan apoiu husi IDVI.

“Semana rua liu ba lasala foin liu ba ita foin halo lansamentu nain hira partisipa balu karik la iha Timor Plaza kona ba planu mestre transporte públiku nian,  hau hare fali iha Facebook balu hakerek fali transporte trestre lae transporte públiku planu mestre ita foin lansamentu iha ne’ebá ita hetan apoiu husi IDVI sira sei kontinua to estududivilidade, sira promote hela katak agusto sira entrega kuando iha ona estududivilidade foin ita ba halo dezeino detailho ne’e mais lokalizasaun fatin sira ne’ebé mak hor-bainhira temi ita iha akanuno ga hera ne’e sira temi fatin ida iha halidolar hau seidauk ba hare rai ne’e hamutuk ho autoridade Dili para atu hare fatin sira ne’e sira temi halidolar mais los pergunta ne’e katak fatin sira ne’ebé sira eziste fatin ne’e klot hanesan horbain hira hau hatete ita hadia fatin sira eziste ne’e uza dadaun lori hein estududivilidade ne’e no mo’os dezenho sira atu halo para ita bele hare fatin sira ne’e mak proprio ba terminal hodi fasilita ita nia pasazeirus sira transporte públiku sira la’os deit parte loro sae nian mak ohin hau temi halidolar mas husi fatin sira seluk tasi mane nian parte loromonu nian tanba ita hein sasan ne’e mak ita hanoin hanesan ida bekora ne’e ita atu reablita agora dadaun klot duni mais pelumenus kareta bele para netik iha laran duke sira okupa hotu Estrada ne’e perturba fali transporte públiku sira seluk nian sira atu lao ne’e hau mo’os hor bain hira fo hatete katak koalia ona ho ministru defeza terminal ida tempo Indonesia nian iha tasi tolu agora dadaun ne’e forsa defeza sira uza hela ne’e mais ministru hatete katak sira iha ona prosesu konstrusaun kazerna ba ita nia forsa sira bain hira sira sai ita mo’os sei reablita terminal ne’e par uza dadaun hodi evita kareta para iha dalan públiku depois mak ita hakat ba husi ohin hau temi planu mestre mai estududivilidade pois halo dezenho par ita halo konstrusaun ba terminal sira ne’ebé fasilidade diak liu karik sira ne’ebé ezitenti ne’e,” dehan ministru ne’e.

Enkuantu ADTL nafatin husu ba Governu atu tau importante ba asuntu Defisiensia atu bele hnoin ba planu asaun nasional ba ema ho Defisiensia iha 2021-230.

Tanba tuir observasaun iha Timor-leste ba oras ne’e asesibilidade seidauk naton ba ema ho Defisiensia no mos vunerabilidade sira.

Jornalista                   : Anjelmo & Geraldino

Editor                         : Média RKDTL