Dili-31/05/2024-Média
Defisiénsia, Comissão
Nasional Juventude Catolica Timor-Leste ho nia ekipa hala’o observasaun ba iha
Palasiu Prezidente, hodi kontinua realiza programa formasaun ho tema Espiritual
Umanu ba Joven sira, hodi elimina konflitu iha Timor-leste.
Iha entervista Diretór
Komisaun Fokadima no Prezidénte Exekutivu CNJTL Pe. Francisco Indre do
Nasimento Tey Seran hatete, objetivu husi hamutuk ne’e atu kontinua de’it ba
programa sira ne’ebé durante ne’e komisaun sira hala’o ona.
“Planu sira ne’ebé ohin
ami mai hamutuk iha ne’e ho objetivu, atu kontinua programa sira ne’ebé durante
ne’e komisaun sira hala’o ona no programa ita bolu formasaun espritual umanu
ne’ebé fahe ba kada komisaun ida-idak
komisaun kojuga no komisaun foka koadima nian programa ida ne’e bolu semana
da pe’et ne’ebé hala’o iha ida-idak nia dioseze. Ema ida-idak aprende ona
kona-ba Kristu bibit iha kapitulu 9 ne’ebé husi kapitulu 9, lori sira konsentra
atu komprende deit kapitulu ne’ebé iha
ona 10 ne’e nian, husi formasaun ne’e rasik hodi hato’o ba nai-ulun sira ho
material ne’ebé sira iha husik bibit ne’e rasik atu sira mós bele komprende no
fiar rasik kona-ba vida umana,” Dehan
diretur CNJCTL 31/05.
Nia hatutan, liuhusi
programa sira servisu hamutuk ho komisaun nasional no CNJCTL hamutuk ho
komisaun kada dioseze, hodi lori joven sira bele asesu ba iha formasaun refere.
No formasaun ne’e la’os obrigatoriu maibé joven sira rasik iha interese hodi
bele partisipa.
“Programa ida ne’e ita
servisu hamutuk husi komisaun nasional, komisaun nasional Juventude katolika Timor-Leste, servisu hamutuk ho komisaun
kada dioseze halibur no servisu hamutuk ho
sira nia amu parku kada parokia ida-idak, hodi hili sira nia joven sira ka foin
sa’e sira ne’ebé iha parokia no lori
sira mai iha dioseze, hodi tuir formasaun fe’e ne’e rasik. Hahu primeiru no Segundo ami rasik
tenke iha hanoin no hakarak rasik hodi tuir formasaun ida ne’e bele hasa’e sira
nia koñesimentu iha fiar nian no bele partilla ba ami nia kolega,” Nia Afirma.
Nia mós informa tan, liuhusi
observasaun ne’e atu sira bele hatene kona-ba palasiu, oisan sira bele aprende
no dezenvolve, no palasiu la’os uma ba Presidente de’it, maibé ba joven sira
hotu.
“Ita nia belun foin sa’e
sira mai husi dioseze ida-idak ne’ebé ho sira nia hanoin ida, oinsa atu bele
hatene kona-ba ita nia palasiu ida ne’e kaza ou uma ida ne’ebé, objetivu prinsipal oinsa sira bele aprende
kona-ba fatin ida ne’e rasik, oinsa sira mós bele haktuir no dezenvolve saida
mak iha ita nia uma ne’e, tanba programa
sira no vizaun ka programa, sua exelensia prezidente nian hanoin”, Hakotu nia.
Fatin hanesan Adjuntu
XefE Kasa Sivil Henriqueta Maria da Silva subliña, sente di’ak tebes ho
formasaun espritual nomos formasaun umana hanesan oportunidade ida atu sira bele
koñese instituisaun estadu nian liu-liu iha Presidenti Repúblika nian.
“Ami kontente tebes ami
loke bem vindo ba joven sira ne’ebé sai jerasaun ba futuru sira iha formasaun
espritual no formasaun umana, hau hanoin ne’e oportunidade diak sira atu
koinese instituisaun do estado sira inklui instituisaun prezidente da republica,
koinese par sira mo’os bele sente katak nasaun ida ne’e sira nian hotu, nasaun
ida ne’e sira mós hola parte iha dezenvolvementu no hola parte iha prosesu responsavelizasaun
ba iha futuru”, Tenik Adjuntu Xefe Kasa Sivil.
Entretantu, husi vizita
ne’e atu prepara programa ne’ebé atu hala’o iha Uma Palasiu Prezidente hodi fó
formasaun ba foin sa’e sira no fó
oportunidade ba joven sira ne’ebé iha kriatividade tomak, atu espresa sira nia
kriatividade. Liuhosi formasaun hodi prepara joven sira ba futuru ne’ebé
kualidade no kriativu rasik, tanba durante ne’e sedauk iha programa ne’e, husi
programa fraternidade umana, no iha tinan ida ne’e ita realiza hanion mós atu
halo seminar sira oinsa bele loke vizaun no hanoin joven sira nian, atu bele
hadomi nasaun ne’e, hodi kria paz, establidade no asegura dezenvolvementu ne’ebé
di’ak no sustentabél.
Jornalista : Anselmo Martins
Editor : RKDTL
0 Comments