GOVERNU SEI LOKE KOMPETISAUN BA GAM GAR TAEK WONDO NO BOXISTA

 

Dili-04/04/2024- Média Defisiensia, Primeiru Ministru (PM), Kay Rala Xanana Gusmão, hasoru malu ho Presidenti Repúblika (PR) Jose Ramos Horta hodi ko’alia kona ba situasaun rai laran liu-liu iha GAM  no GAR.

Ba jornmalista sira Xefe Governu ne’e hatete, governu kontinua suspende atividade GAM no GAR ba fulan 6 tan atu nune’e lider bele kontrola sira nia membru sira hodi bele halo kompetisaun.

"Ami nia enkontru semanal kulia konaba seguransa rai laran liu-liu ba Arte Marsiais no ritual sira nia aktividade, governu  kontinua suspende aktividade  GAR ho KRAM ba fulan neen tan atu nune’e lider Artemarsiais no ritual bele kontrola nia membru sira ho diak hodi halo kompetisaun hanesan Taek Wondo, Karate no Boxista hodi hatudu imi nia arte duni ba estadu no povu ida ne’e atu ema hotu bele kontenti ho imi nia arte ne’e." Dehan Primeiru Ministru (PM), Kay Rala Xanana Gusmão ba Jornalista sira hafoin enkontru semanal ho Prezidente Repúblika iha Placio Prezidensial Bairo-Pite dili, kinta (04/04).

PM esplika governu kontinua suspende atividade Artemarsiais no arte ritual laos atu kastigo maibe suspende para lideransa grupu arte-marsiais no rituais hodi kontrola nia membru sira atu nune’e labele halo problema tun sae maibe treinu atu halo kompetisaun hodi hatudu sira nia arte ba estadu hanesan ho Taek Wondo no Boxista.

"Tanba tempo ida agora alunus ba tuir Artemarsiais no arte ritual hodi ameasa professores no professores iha Artemarsiais seluk hodi baku fali estudante ho nune’e rejolusaun ne’e mosu tanba situasaun agora lahanesan uluk kahur ho sasan ho nune’e fulan neen suspende aktividade  Artemarsiais no arte ritual atu nune’e sira hadia no kontrola nia membru sira ho diak."

Tempo badak governu sei buka tuir influensia motiva Artemarsiais no arte ritual nia fukun hodi nune’e governu loke kompetisaun hanesan Taek Wondo, Karate nomos Boxista hodi nune’e governu bele muda sira nia mentalidade tanba durante sira haketak malu la kuinese malu nudar familia Timor oan maibe grupu arte-marsiais no rituais mak domina los.

Enkuantu nia informa treinu laos tuda malu oho malu, maibe treinu hodi ba kompete iha rai liur sira hodi lori Timor nia naran iha mundu internasional sira hanesan Taek Wondo Boxista.

Jornalista       : Anselmo

Editór             : Média RKDTL