Dili- 04/04/2024- Media Defisiensia, Asosiasaun Jornalista Timor Lorosa‘e
(AJTL) lamenta ho karta sikular husi
diretora ezetivu iha Hospital Nasional Guido Valadares katak bandu jornalista
sira halo kobertura iha HNGV.
Tuir Portavoz AJTL Zevonia Vieira esklarese
iha komunikadu imprensa katak AJTL
durante ne’e halo advokasia hodi promove no hametin liberdade impresa no
liberdade espresaun iha pais demokrátiku ida-ne’e sira lamenta ho karta
sikurlasaun ne’e hanesan tentativa no ameasa ba knaar jornalista nian.
"AJTL haree karta sirkulár husi
Diretora Ezekutiva Hospital Nasional Guido Valadares (HNGV), Sra.Cecilia Barros
hodi bandu media ka Jornalista sira halo kobertura iha HNGV ne’e nu’udar
tentativa no amesa ida ba liberdade impreza no liberdade espresaun iha Timor-Leste
hanesan haktuir iha konstituisaun RDTL, Artigu 40 no 41", Dehan Portavoz
AJTL Zevonia iha salaun AJTL Fatuhada, 02/04.
Nia salienta HNGV ne’e espasu públiku
la’os privadu hodi bandu sidedaun ka jornalista sira nia asesu hodi foti
informasaun ho loos no kredivel hodi publika ba públiku.
"Diretora tenke konsiente ou
sadar katak, ospitál nasionál ne’e espasu públiku,la’os espasu privadu kargu
xefia ka governante ruma nian nune’e bandu sidadaun ka jornalista sira atu asesu
informasaun liga ho servisu públiku, liuliu atividade sira ospitál nian, bainhira
ema ruma halo video ka hasai foto ruma no manipula hodi publika iha media
sosiál kona-ba atividade ospitál nian, iha meius oioin atu kontra ida ne’e,la’ós bandu fali sidadaun no
jornalista bainhira halo video no hasai iha espasu públiku hanesan ospitál
nasonál", Tenik Portavoz.
Entretantu ho karta sirkular ne’ebé
hakanek liberdade espresaun no imprensa nian AJTL kontra no kondena
maka’as karta sirkulár husi Diretóra
ezekutiva HNGV ne’ebé diriji ba públiku Jornalista sira iha kontestu kobertura,
AJTL husu Diretora Cecilia atu dada fila
karta sirkulár hodi fó espasu no biban ba media sira atu halo kobertura iha HNGV nu’udar espasu
públiku atu asegura públiku nia direitu ba informasaun lo’os no kredivel, ba Povedór
Direito Humanu no Justisa atu foti medida hasoru karta sirkulár refere no husu
mós ba SECOMS atu fó hanoin ba governante sira ka kargu xefia sira instituisaun
estadu atu fó informasaun ba jornalista sira liga ba servisu públiku la’ós atu
impede fali jornalista sira husi
kobertura.
Jornalista : Anjelmo
Editor : Média RKDTL
0 Comments