Dili-06/03/2024- Media Defisiensia, Sekretatiu
Estadu Komunikasaun Sosial abertura formasaun ba editor no jornalista sira
kona-ba asuntu ASEAN iha area informasaun no mídia nian.
Tuir SECOMS Expedito Loro Dias Ximenes hatete, formasaun
ida ne’e importante ba jornalista sira hotu iha mundu jornalismu hodi garantia
kualidade informasaun atu kopemete mos ba ASEAN, nune’e mos promove no
kapasitasaun jornalista sira hodi respeita nafatin kódigu étiku jornalizmu nian
iha Timor-Leste inklui regulamentu internasionál no rejionál kona-ba midia
nian.
"Ho avansu dijitál no era dijitál oras ne'e
dadaun com certeza ita la iha ona limite, la iha ona fronteira iha ita-nia
kobertura mídia konvensionál no mós plataforma dijitál sira. Maibé, ita mós
tenke sente katak ho avansu teknolojia ne'ebé oras ne'e dadaun ita atravessa,
iha mós dezafiu bainhira ita sai membru ASEAN tanba kompetisaun sei makaas liu.
Nia hatutan relasiona ho TL tama ba ASEAN maka midia
sira mos tenki prepara an didi’ak atu nue’e bainhira ita tama ba membru ASEAN
bele compete mos.
‘‘kompetisaun
entre mídia liuliu mídia sira ne'ebé forte iha nasaun membru ASEAN ne'ebé uluk
sira-nia dezenvolvimentu mídia makas tebte bes ona ho ita sira ne'ebé foin
hahú, foin iha prosesu dezenvolvimentu nia laran, com certeza ita tenke sente
iha dezafiu barak, tanba ne'e preparativos sira atu adere ba ASEAN hanesan
estadu ida tama ba iha estadu sira seluk, mídia mós tenke prepara an atu
bainhira ita sai membru ASEAN kompetisaun midia ne'ebé sei forte liután ho
avansu ne'ebé mídia sira seluk iha nasaun membru sira iha ona maka ita presija
prepara an agora, infraestrutura tenke forle, kapasitasaun ba jornalista no mós
mídia tenke sai midia ne'ebé respeita nafatin kódigu étika jornalista ne'ebė
iha no nafatin respeita regulamentu internasionál no rejionál ne'ebé regula
kona-ba mídia, Maibé benefisiu bo'ot ne'ebé ita bele hetan maka ita bele koñese
realidade avansu iha nasaun seluk nune'e ita bele lori informasaun sira ne'ebé
ita hetan liu husi kobertura ne'ebé ita halo iha nasaun sira seluk ne'ebé
avansadu iha reiaun ASEAN nian bele lori mai fó sai fia-fali iha ita-nia nasaun
ne'ebé foin dezenvolve", dehan Expedito iha salaun Novu Tursimu, Kuarta
(06/03).
Nune'e IX Governu Konstitusional iha nia polítika ba
area komunikadaun sosial atu oinsa prepara infraestrutura media nian ne'ebé
hare iha Televizaun, Radio, Jornal no plataforma Dizital ne'ebé husu oinsa
prepara kualiadade iha informasaun, maibe la'os deit kualidade iha informasaun
maibe kualidade mos iha ita nia personalidade hanesan Jornalista ne'ebé bele
kompete bainhira TL sai membru Asean.
"Tanba ne'e mak husi Sekretariu Asean nian
Jakarta servisu hamutuk ho ita fo formasaun ba ita, nune'e ha'u husu ba kolega
sira liliu media sira ne'ebe prezente iha ne'e no mos lina ministeriais sira
iha ne'e atu akompaña ho didiak, sira sei fó hanoin mai ita oinsa media nia
papel bainhira TL sai membru Asean," Nia sublina.
Reprezentante Formandu média hotu Francisco Suni
hatete, agradese tanba liu husi formasaun ne’e bele ajuda media sira atu bele
komprende klean kona ba sai membru ASEAN.
“Kompreensaun
ASEAN iha Timor-Leste en jerál, partikularmente iha komunidade média sei menus,
seidauk komprende buat barak, ha'u hanoin ita hakarak atu sai membru ASEAN ka
organizasaun seluk tan maibé dala barak ita iha kompreensaun ida ke ladun
adekuadu kona-ba organizasaun ka instituisaun sira ne'ebé ita atu sai membru
ba, tanba ne'e mak ita agradese iha sesaun sira hanesan ne'e hanoin ida ne'e
sesaun primeiru ba ita espera ba futuru ita sei iha tan sesaun seluk tan atu
nune'e bele tulun ita komunidade média atu iha kompreensaun ida klean liután
kona-ba sai membru ASEAN ne'e signifika saida ba Timor-Leste, no liu-liu ba ita
komunidade média nia signifikadu ne'e saida, partikamente ba ita
nia servisu,” tenik nia.
enkuantu bainhira TL tama Asean sei iha kompetisaun
makaas mos iha area komunikasaun sosial nian, tanba ne'e tenke halo preparasaun
ne'ebe mak agora halo dadaun ne'e, tanba ne'e media idaidak tenke halo
preparasaun.
Jornalista :
Anselmo
Editor :
Media RKDTL
0 Comments