Dili-27/03/2024-Media Defisiensia, Sekretariu Estadu Floresta fó asina kontratu ba Korpu Guarda Floresta iha Timor-Leste hodi kontinua hala’o sira nia papél ho responsabilidade atu la bele mosu estragus iha ita nia ra’in.
Tuir SEF Fernandino Vieira da Costa hatete, guarda floresta sira ne’ebé dadaun ne’e atu asina kontratu mai husi munisipiu 13 inklui Raeoa sira hamutuk 200 tanba sira nia kontratu termina ona iha tinan kotuk ohin hahu kontratu foun ba sira hodi hala’o servisu durante fulan 6 se sira servisu diak sei kontinua, no sei hapara ida ne’ebé servisu la tuir regulamentu.
“Agora dadaun sira nia servisu termina ona tanba ne’e atu tama ba faze kontratu nian iha faze primeiru ita avansa ba korpu guarda floresta ne’ebé mai husi munisipiu 13 inklui Raeoa, sira ne’ebé atu asina kontratu durante fulan neen. Sira hamutuk 200 sei hala’o servisu durante periodu fulan neen nia laran sira tenke hala’o servisu ho diak no pesoal ida mak halao servisu la profisional no halao dever diak maka governu sei hapara nia kontratu hodi fó oportunidade ba ema seluk”, Dehan SEF Fernandino iha Salaun Floresta Kaikoli, 27/03.
SEF ne’e hatutan sira ne’ebé ohin asina kontratu atu kontrola atividade ilegal hanesan flora no fauna sei lao nafatin ilegal IX governu nia obrigasaun ba guarda floresta tenke servisu makas hodi asegura konservasaun ba rekursus naturais no garante sustentabilidade floresta iha ita nia rai tuir lei ne’ebé iha hodi asegura dezenvolvimentu liuliu obra sira.
“Hau hanoin ita iha lei ne’ebé mak rejimi jeral floresta iha no ambienta iha lei maibé iha implementasaun maka sei fó toleransia ba atividade ilegal maibe agora dadaun iha IX Governu ita iha obrigasaun atu aperta ita nia komunidade sira atu labele estraga ai-horis sira sei servisu hamutuk polisia hodi haree ba aktus eligal sira” Subliña SEF.
Entretantu husu ba Guarda 22 no tekniku 52 halao dever obrigasaun no papel asegura rekursus naturais sira iha Timor-Leste ne’ebé konsagra iha konstituisaun RDTL tanba ne’e halao servisu ho responsabilidade.
Iha fatin hanesan representante Korpu Guarda Floresta Armando Dedeus Gama dehan komitmentu sira nia hanesan tekniku sira hala’o sira nia servisu tuir papel no lei ne’ebé iha durante ne’e hala’o iha tereñu ho diak esperansa ba parte relevante atu haree sira nia servisu hodi apoiu nafati sita.
“Ami nia komitmentu hanesan ema tekniku ami halao ami nia papel sira bazeia ba lei no regulamentu sira ne’ebé fó kompetensia ba ami durante periodu ba kotuk ne’ebé ami halao hela tanba ne’e ho fulan ne’e ne’e ami halo esperansa katak husu ba parte relevante atu haree didiak ami nia servisu ne’e atu nune’e ami bele servisu ba nafatin”, Tenik Armando.
Rekomenda ba nunu governo atu tau prioridade baa mi atu nune’e labele kontratu hela deit presiza tau estatutu ida atu garantia ba ami atu sai permanente atu bele hala’o servuisu iha tereñu ho diak.
Jornalista : Geraldino Magno
Editor : Media RKDTL
0 Comments