Dili-27/03/2024-Media
Defisiensia, Autoridade Protesaun Sivil servisu
hamutuk ho Organizasaun Internasional ba Migrasaun(IOM), realiza lansamentu
projetu redusaun risku dezastre ba komunidade frajil no movél iha Timor-Leste.
Tuir Presidente Agensia Protesaun Sivil, Superintendente
Polisia Ismael D. C. Babo hatete agradese ba governu Japaun ba apoiu finansia
ba redusaun risku dezastre ba komunidade
sira liuhusi parseiru IOM servisu hamutuk ho APC hodi realiza projetu iha tinan
ne’e prioridade nasional sira hodi redus dezastre ne’ebé sai dejafius ba
Timor-Leste ho apoiu husi Japaun.
“APC agradese ba governu
Japaun no parseiru IOM servisu hamutuk ba planu estratejia nasional hodi
resposta ba dezastre tantu iha nivel nasional no lokal atu asegura parte
interesadu hodi alkansa asaun liuhusi ivestimentu iha programa no estratejia
sira kona-ba kapasitasaun sira ne’ebé tenke dezenvolve iha baze sira hahu husi
ekipamentu hodi asumi papel APC nian iha nivel lokal sira”, Dehan Presidente
Agensia Ismael iha salaun APC, 27/03.
Presidente APS
superintendente enkoraja importante husi parte interesadu naun governamental no
parte sektor privadu, reliziojus sira hodi apoiu ba risku dezastre hahu ona
envolve sektor privadu hodi realiza projetu refere.
Iha okaziaun ne’e xefe
Misaun IOM iha Timor-Leste Ihma Shareef esplika
projetu foun, ne’ebé lansa ona atu hari’i reziliénsia ba dezastre iha
Timor-Leste, ne’ebé ho dezafíus klimátiku maka’as no efeitus klimátiku hanesan
El Niño, ho apoiu hosi Governu Japaun, projetu atu hatán ba estratéjia risku
dezastre ne’ebé inkluziva no sensível ba jéneru, atu eleva reziliénsia komunidade
vulnerável no móvel sira.
“Inisiativa sei konduzidu
ba hari’i aliserse jestaun risku dezastre ne’ebé metin no prioritiza seguransa
no moris di’ak ba komunidade. Estratéjia komprensivu atu asegura katak grupu
sira mais vulnerável sei asesu di’ak liután ba servisu no fasilidade nesesária
sira, ne’ebé importante ba prioridade sira nasionál redusaun risku dezastre.
Iha fatin hanesan
Embaixadór Japaun iha Timor-Leste Kimura Tetsuya hatete haksolok tebes
partisipa iha lansamentu projetu refere hodi apoiu IOM no APC hodi implemeta projetu risku
dezastre ba komunidade ho objetivu atu kontribui no mellora komunidade
vulneravel ba dezastre kauza husi El
Niño.
“Hau haksolok tebes
partisipa iha lansamentu projetu “redus risku dezastre ba komunidade fragil no
movel iha timor-leste hamutuk ho organizasaun nasional ba migrasaun no Protesaun
Sivil , projetu ne’e ho objetivu atu kontribui no mellora kapasidade ba
komunidade vulnerable ba dezastre kauza husi
El Niño, liuhusi programa abrajente no jeneru kona-ba jestaun risku no mellora
kapasidade lideransa preparadu ba situasaun emerjensia no garante komunidade
vulneravel sira nia asesu ba abrigus rezilente klimatika”, Tenik Embaixadór
Japaun.
Entretantu projetu ne’e
sei implementa ba komunidade 80 nia tarjetu ba munisipiu Bobonaro no Covalima
ho orsamentu ne’ebé apoiu husi Japaun no implemeta husi Organizasaun
Internasional ba Migrasaun (IOM) no Autoridade Protesaun Sivil.
Jornalista
: Geraldino
Editor:
Media RKDTL
0 Comments