AEFD APREZENTA RELATÓRIU PESKIZA HUSI OPINIAUN PÚBLIKU IHA SIDADE DILI

 

Dili-19/03/2024 Media Defisiensia, Asosiasaun Esperansa Feto ho Defisiensia (AEFD) aprezenta relatóriu  peskiza annual kona-ba opiniaun públiku ho tópiku: Públiku Sidade Dili nia Hatene Kona-ba Feto no Labarik-feto ho Defisiénsia nia Direitu. Peskiza ida-ne’e aprezenta mós dadus públiku sidade Dili nia hatene kona-ba uza termu “ema ho defisiénsia” no liu husi kanal saída maka públiku asesu ba informasaun kona-ba feto no labarik-feto ho defisiénsia nia direitu.

Tuir Manajer Advokasia ba peskiza refere Mariani Vicente Kijong hatete, husi peskiza hatan ona husi  públiku 100 maka survey ona, 79 maka estudante sekundária 8, no Universitária 71, nune’e rezultadu hatudu katak estudante 43 maka hatene termu “ema ho defisiénsia no 36 maka la hatene.

“Dadus hatudu númeru estudante ne’ebé hatene ás liu la hatene, maibé nia diferensa la dun barak bainhira ita kalkula dadus detalla kona-ba estudante iha Dili hatene termu “ema ho defisiénsia Nune’e, bele fó konkluzaun katak presija tau atensaun ás liu iha eduka estudante sira kona-ba termu “ema ho defisiénsia”. Dehan Manajer Advokasia iha uma mahon, sala Leitura Xanana Gusmão, Lecidere sexta semana kotuk.

Mariani Vicente Kijong hanesan mós peskizadór hatutan, rezultadu peskiza: Survey husi Asosiasaun Esperansa Feto ho Defisiénsia (AEFD)  hala’o iha fulan  Outubru 2023. Rezultadu peskiza ida-ne’e informa ona saída maka rezultadu husi esforsu Estadu, Governu no Parseiru Dezenvolvimentu sira ho lei, polítika, implementasaun planu anuál, orsamentu anuál, programa ka projetu sira ne’ebé hala’o ona hodi eduka públiku Dili kona-ba direitu feto no labarik-feto ho defisiénsia no termu ema ho defisiénsia.

Nia salienta, iha sira nia parte hakarak rekomenda ba Governu Timor-Leste no parseiru dezenvolvimentu sira ne’ebé servisu iha área defisiénsia, nomós  Sekretáriu Estadu Igualidade Aatu promove direitu feto no labarik-feto ho defisiénsia ba iha komunidade, eskola no universidade sira, atu Públiku Sidade Dili tau importánsia hodi  buka hatene no suporta feto no labarik-feto ho defisiénsia nia direitu.

Peskizadór no Hakerek-na’in sira hamahon iha AEFD: Mariani Vicente Kijong (peskizadór no hakerek-na’in), Cecília Araújo Martins (peskizadór), Esperanca A.F. Martins (peskizadór), Justiano dos Santos Serão (peskizadór) no Pedro A. dos Santos (peskizadór).

Jornalista    : Efifania Dos Santos Barros

Editor        : RKDTL