ADTL NO PITL ORGANIZA DIALOGU NASIONAL NO LANSAMENTU RELATORIU BA EHD

 

Dili-14/03/2024-Media Defisiensia, Vise Presidente Parlamentu Nasional Hala’o abertura ba atividade dialogu nasional hodi asegura partisipasaun Ehd no halo lansamentu ba relatoriu avaliasaun rapidu ba ema ho defisiensia iha Timor-Leste.

Tuir Vise Presidente PN Maria Terezinha Viegas hatete, asegura ema ho defiensia iha vida politika hodi enkoraja partisipasaun ba iha eleisaun hodi promove no valoriza ema ho defisiensia iha desenvolvimentu ne’ebé inklusivu la ho deskriminasaun.

 “Ema ho defisiensia sira nia entegrasaun iha inkluzaun no iha papel fundamental iha nasaun ida atu la’o ba oin liuhusi promove diversidade no igualdade atu hametin kriatividade no inovasaun iha Timor-Leste tenke fó asesibel no oportunidade ba ema hotu  labele defende ba sira nia kapasidade fisika. Atu hari’i sosiedade demokratiku ita presija partisipasaun tomak husi sosiedade hotu hola parte iha eleisaun nu’udar fundamental ba sidadaun ida-idak labele taka dalan ba ema ho defisiensia no la defisiensia partisipasaun tenke inklusivu ba ema hotu”.tenik Terezinha Viegas

Nia hatutan, ema ho defisiensia nia partisipasaun ativa iha lider politika bele harii fundasaun ida metin iha futuru inkluzivu ho dialogu ne’e hanesan oportunidade ida tan hodi reafirma ita nia komprimisiu no prinsipiu fundamentais demokrasia nian hodi lori progresu ba ita hotu.

   Iha fatin hanesa Diretor Executivu  ADTL  Cesário da Silva esplika, durante ne’e ema ho defisiensia seidauk goja sira nia direitu tuir lei ne’ebé implementa ona tamba sei impede hela iha atividade sira no barreira balun asesivel iha vida politika partisipasaun politika nian.

“Ami koalia bebeik tanba ami haree ema ho defisiensia nia partisipasaun bareira hira ne’ebé impede EhD iha  lei artigu 46 no 65 garante sidadaun hotu nia direitu ba partisipasaun iha politika aleinde ne’e garante mós ba iha eleisaun atu asegura eleisaun ne’ebé justu, seguru no sensivel ba ema hotu ho situasaun ne’e ita hakarak halo diskusaun no ADTL halo peskiza ba maluk defisiensia sira”. Dehan Cesario da Silva  

Ema ho defisiensia nia partisipa hasoru nia barreira lubuk ida barreira fiziku hodi asesu ba iha fatin eleisaun nian la asesibel ba ema ho defisiensia maluk sira defisiensia matan labele vota rasik lei parlamenta balun la kondis ho ema defisiensia nia nesesidade

Diretór ne’e salienta, lei parlamenta tinan kotuk veta husi Presidente da Republika ho razaun barbarak tamba ne’e ita presija halo deskusaun fila fali nune’e bele nune’e bele responde ba ema ho defisiensia nia nesesidade nune’e labele prejodika ba ema ho defisiensia iha tempu sira eleisaun tuir mai.

Embaixador Uniaun Europeia iha Timor-Leste Marc Fiedrich hatete, atividade ohin loron importante tebes liu-liu ba ema ho defisiensia no sidadaun hotu-hotu hodi asesu ba prosesu politiku

“Atividade hira ne’e ami sempre hala’o no kopera bebeik maibe hare mos ba fundos de apoiu ne’ebé iha hodi halo atividade refere, uniaun Europeia halo observasaun eleitoral dala lima ona iha Timor-Leste desde iha independensia to’o ohin loron hodi fó apoiu ba Timor-Leste”. Dehan Marc Fiedrich

Rekomendasaun sira iha observasaun eleitoral katak ema defisiensia no foin sa’e labele partisipa iha vida politika halo votu no kandidatu tamba ne’e Uniaun Europeia hala’o atividade ida ne’e hodi korajem ba ema ho defisiensia no feto atu partisipa iha vida politika no elisaun sira

Entretantu atividade efere realiza iha Hotel Timor hetan fundos finansial husi Uniaun Europeia no Implementa husi PITL, ADTL, Belun,JPIC,Patria,Caucus no MOFFE.

Jornalista       : Geraldino Magno & Anselmo

Editor             : Média RKDTL