Dili-20/02/2024-Media
Defisiensia, Fundu Nasoins Unidas ba Labarik (UNICEF)
no Governu Xina halo lansamentu projetu hodi apoiu emerjensia ba labaraik sira
hodi hatan ba inundasaun no Kovid-19 iha Timor-Leste hodi ajuda fornese servisu
no fornesimentu iha área tolu ne'ebé importante.
Representante Pais UNICEF
iha Timor-Leste nu'udar UNICEF, Bilal Aurang Zeb Durrani hatete servisu UNICEF nian
haree liu ba prestasaun servisu hodi proteje labarik no familia husi inundasaun
tanba ne’e agradese ba governu Xina ba apoiu no fornese servisu iha área tolu hanesan
Nutrisaun, Bee no Saneamentu no Edukasaun.
“Ami-nia servisu foka liu
ba prestasaun sevisu no fornesimentu atu proteje labarik no família husi
impaktu maka'as husi inundasaun, tanba ne’e ami agradese ba Governu Republika
Popular Xina nian, ne'ebé lidera husi Embaixadora Wenli, ba jenerozu apoiu,
ne'ebé sei ajuda fornese servisu no fornesimentu iha área tolu ne'ebê
importante maka Nutrisaun, Bee no Saneamentu, no Edukasaun”, Dehan
Representante UNICEF, Bilal iha salaun
Kofi anan UN Caikoli 19/02.
Iha fatin hanesan
Embaixadora Xina ba Timor-Leste Wang Wenli esplika governu Xina kontinua apoiu
iha dezenvolvimentu Timor-Leste iha área infraestrutura, saude no edukasaun ho
objetivu ida atu fó asistensia tanjivel ba labarik sira nia moris no edukasaun,
sira fiar katak projetu ne’e sei fó benefisiu ba labarik sira.
"Governu Xina
kontinua fó apoiu ba dezenvolvimentu Timor-Leste iha área infraestrutura, saúde,
agrikultura no edukasaun, projetu apoiu emerjénsia ne'ebé implementa hamutuk ho
UNICEF iha Timor-Leste, envolve fundu barak no durasaun projetu ne'ebé naruk
tanba kobre sidade boot sira iha nasaun, ami fiar projetu sei hetan benefísiu maizumenus
labarik no feto hamutuk 150,000, ho objetivu atu fó asisténsia tanjivel ba
sira-nia moris no edukasaun, ami hein projetu ne'e, ema iha Timor-Leste bele
simu apoiu ne’e", Tenik Embaixadora Xina ba Timor-Leste Wang.
Entretantu UNICEF servisu
hamutuk ho Governu Timor-Leste hodi responde ba nesesidade labarik no familia
sira iha área bee no saneamentu, nutrisaun no edukasaun, ho apoiu husi Governu
Xina hodi responde ba labarik sira hetan inundasaun no dezastre sira iha
munisípiu haat hanesan Dili, Ainaro, Ermera no Baucau, sei kobre labarik
hamutuk 83.000 ho servisu nutrisaun no feto isin-rua hamutuk 34.000 no apoiu asesu
ba bee, saneamentu no ijine ema na'in 10.000 no uma-ka’in 2.000, husi munisipiu
hirak-ne'e sei hetan servisu ijine ne'ebé di'ak no projetu edukasaun sei kobre
labarik hamutuk 24,449 ne'ebé sei hetan benefísiu husi ambiente eskola ne'ebé
di'ak iha eskola 34 iha Dili, Baucau, Lautem, Liquiça no Manufahi.
Jornalista
: Geraldino
Editor
: Media RKDTL
0 Comments