APC REJISTA UMA KAIN 130 MAK ESTRAGUS HUSI DEZASTRE NATURAIS

 

Dili-05/02/2024 Media Defisiensia, husi Loron 30 Janeiro to  2 Fevereiro 2024 Autoridade Protecão Civil  rejistra Tipu dezastre anin bo’ot sobu uma kain hamutuk  119, Rai halai estragus komunidade nia uma 5 no Insendiu Urbanu hamutuk 6.

Autoridade Protesaun Civil (APC)

Konferensia Imprensa husi  Xefe Gavinete Grec Cesario da Silva Marques hateten, durante  semana ida Autoridade Protecão Civil Nacional Dili simu dadus  husi Municipio ne’ebé akontesimentu dezastre  kuaze iha Teritoriu Timor Laran tomak, mak hanesan Aileu, Ainaro, Baucau, Bobonaro, Covalima, Ermera, Lautem, Liquisa, Manufahi, Vikeke, no Raeoa.

“ Tipu dezastre ne’ebé akontese iha tolu maibé velosidade as liu maka anin boot, Municipio Aileu anin sobu uma 4, Ainaro uma 28, Baucau uma 1, Bobonaro uma 13, Covalima uma 2, Ermera uma 31, Lautem uma 3, likisa uma 14, Manufahi uma 1, Vikeke uma 13, Raeoa uma 1. Enkuantu Tipu Rai halai iha Municipio Bobonaro 3, no Ermera 2, Tipu  insendu Urbanu Municipio Ainaro 1, Bobonaro 2, Ermera 1,  nomós Vikeke 1”. Hato’o xefe Gavinete iha konferensia imprensa

Tuir dadus ne’ebé Autoridade Protecão Civil simu husi Municipio sira sei halo hela verifikasaun hodi buka hatene uma kain ne’ebé mak hetan estragus total no ladun hodi oferese sosializasaun emerjensia ba sira.

Jornalista: Pascoal de Jesus

Media : RKDTL