Dili-17/02/2024-Media Defisiensia, Assosiasaun
Manorin Nain Timor-Leste kontinua realiza pres-konferens hodi husu ba parte
relevante hotu atu buka solusaun rezolve lalais sira nia problema hafoin loke fali vaga ba kandidatu foun sira.
Ba
Jornalista Sira Presidente Komisaun Instaladora husi AMN-TL Marcelino da Costa
Belo (L. Ed) lee sai professores sira nia lamentasaun katak edukasaun núdar
setór ida vital no estratéjiku ne’ebé determina ba existensia Estadu RDTL nia
dezenvolvimentu nasional agora no ba futuru. Maibé iha situasaun atual ne’ebé
liga ba desizaun ME nian hodi hapara professores kontratadu 2023 no reklamante
sira sem fundamentu la justifika fortemente, tanba ne’e AMN-TL konsidera
desizaun ne’e nudar forma desmantelamentu ba prinsipiu koezaun sosial ne’ebé
nudar valores essensiais husi sentidu edukasaun ne’e rasik.
Nia
afirma, relasiona ho atuasaun polisia nian ba professores sira iha resintu ME
Vila-Verde 12/02 foin lalais ne’e liu ona dekade rua tanba polisia la komprende
kona ba konteúdu husi seguransa ne’e rasik hodi kontinua komete aktus krimes,
tanba atuasaun hasoru professor nudar ajente profisional estadu nian ne’ebé
kontra legalidade demókratiku konsagradu iha konstituisaun RDTL.
Enkuantu
AMN-TL apela ba professores sira hotu iha teritóriu laran hamri’ik no konsentra
iha Dili hodi ezize ba entidades hotu atu respeita professór nia integridade
profisional tanba liu husi knaar professór sira nian mak prodús profisoens
oi-oin hodi sobrevive nasaun ne’e iha futuru.
Jornalista : Alex
Editor : Média RKDTL
0 Comments