Dili-27/02/2024-Media Defisiensia, Assosiasaun
Defisiensia Timor-Leste (ADTL), realiza dialogu nasional ho tema “Unifika Asaun
hodi Salva no Alkansa Inkluzaun Defisiensia Iha Timor-Leste” tanba ne’e konvida
parte Governu sira atu kolia ho organizasaun defisiensia oinsá atu haree inkluzaun
ba ema ho defisiensia iha futuru.
Tuir
Diretur Ezekutivu ADTL Cezario da Silva hatete, objetivu realiza dialogu
nasional hamutuk ho parte governu tanba observasaun ADTL nian durante ne’e
asaun ba inkluzaun defisiensia iha Timor-Leste menus liu.
"Atividde
dialogo ida ohin dialogo nasional ho nia topiku unifika asaun hodi salva no
alkansa inkluzaun defisiensia iha Timor-Leste interesante liu mak atu bolu mak
foti dezisaun sira mai atu halo diskuzaun ho organizasaun defisiensia sira no
asaun saida mak ita hamutuk hodi halo ba iha inkluzaun defisiensia tamba
observasaun ami nian durante nee barak liu ita iha politika diak ba iha
asuntu inkluzaun defisiensia maibe ita nia asaun atu kongratiza politika
planu no programa sira mak menus", Dehan Cezario iha salaun Dare.
Diretor
Ezekutivu ne’e hatutan iha dialogo ida ne'e importante lo’os tanba iha
orador prinsipal sira husi parte Governu nian partisipa hodi hato’o
perspetiva ba iha implementasaun politika iha futuru.
"Iha
Dialogo ida ne'e orador Prinsipal liu mak Ministeriu Soriedade Social
Inkluzaun, MOP, Edukasaun, Membro Parlamentu, Provedor Direitus Humanos e
Justica atu hare isu direitus humanos nomós isu Obras Publiku sira liuliu
hare kona-ba asessibilidade ba ema ho Defesiensia sira nian no ita ratifika konvensaun
ONU ba direitu ema ho Defisiensia nian iha planu asaun nasional saida mak ita
atu halo hodi asegura alokasaun rekursu estadu nian ba implementasaun
politika hirak ne'e mak ohin ita hahu ho diolog".tenik nia
Vice
Ministru MCI Nino Pereira hateten husi dialogu ida ne'e atu hato'o ba liñas
Ministeriais sira hotu atu fó atesaun nomós fo oportunidade ba Timor oan hotu liuliu
ba maluk Defisiensia sira atu asesu ba edukasaun, informasaun nomos asesu
ba servisu.
"Ohin
ita rona messagem husi ema ho defisiensia sira katak sira presija liu mak asaun
tanba ne'e mak husi dialogu nasional ida ne'e konselida liñas Ministeriais sira
hotu para oinsa atu fo atesaun no fo prioridade ba Timor oan sira liuliu
ba ema ho Defesiensia tanba iha nia lei katak labele husik ema ida iha kotuk
tanba ne'e oportunidade tenke ba ema ho Defisiensia ida ne'e mak sira presija
tanba sira la presija kuitado no karidade agora importante ba sira mak
asesu Ba edukasaun, informasaun no asesu ba servisu ema ho Defisiensia sira
mos iha kapasidade no abilidade hodi presta sira servisu iha parte
sira hotu". Hateten Vice
Ministru MCI Ninu Pereira Iha Salaun Retiru Dare.
Vice Ministru ne’e hatutan programa nunu Governu nia
sei tau prioridade ba maluk Defisiensia sira hodi fo oportunidade ba servisu
iha liñas Ministeriais Sira.
"Iha Politika ne'ebe ita hatur ona iha
Governu ida kotuk to IX Governu ita iha ona oportunidade ba ema ho Defisiensia
hodi okupa kargu sefia iha Ministeriu Soriedade Social inkluzaun inklui mos defisiensia balun asesu
ona iha edifisiu Ministeriu sira". Hakotu lia
Entertantu atividade refere hala’o ba loron tolu ho
atividde prinsipal tolu premeiru hahu ho dialogo nasional, segundo fo formasaun
ba membro ADTL sira no ikus liu assembleia Jeral ba Membru nian hodi
hare fila fali asaun prioritariu sira ba tinan lima nian.
Jornalista
: Pascoal N. de Jesus
& Efrozina Bras
Editor
: Média RKDTL
0 Comments