Tuir Diretór UDMTL Jacinto Pereira hatete, atividade
enseramentu programa treinamentu letra braille tanba hetan apoiu husi SASCAS
hodi realiza programa treinamentu ba EHD tanba durante ne’e SASCA nia apoiu
konsege lori maluk defisiensia balu ba eskola iha ensinu superior no ensinu
rekorente.
"Objetivu ohin loron maka UDMTL atu insera programa treinamentu ba
letra braille, programa ida ne’e realiza tanba hetan apoiu maximu husi
SASCAS, ita bele reliza formasaun ida ne’e liu husi programa SASCAS nian
iha tinan kotuk ita konsege dudu ita nia
maluk difisiensia matan ba eskola iha Universidade no ensinu Sekundariu, tinan ne’e
menbru na’in neen ba eskola iha universidade UNTL no sanullu resin-lima ba eskola
iha resimi rekorente", Subliña Diretor Jacinto iha UDMTL Becora Segunda.
Nia salienta lori familia boot defisiensia matan
Timor-Leste agradese ba SASCAS ho apoiu tomak ba maluk defisiensia matan sira
bele partisipa iha treinamentu husi programa SASCAS nian hodi mobiliza maluk
defisiensia matan husi munisipiu sira bele partisipa iha treinamentu ne’e.
"Agrdese loos hodi familia boot difisiensia matan hatoo ba
SASCAS husi resultadu treinamentu ne’e tanba programa SASCAS nian maka ita
konsege mobiliza ita nia ema difisiente kada municipio Aileu, Manufahi, Oekuse,
Bobonaru, Ainaro, Ermera, Mantutu, Baucau, no Liquica kompostu husi maluk difisiensia
matan sira ne’ebé ita mobiliza hamutuk
30, fahe ba feto 14 mane 16", Dehan Jacinto.
Iha fatin hanesan formadór Irsin Corte Real Soares informa, dejafiu ne’ebé durante utiliza hodi atende
maluk defisiensia matan sira iha formasaun maluk defisiensia sira mai ho pensamentu
ne’ebé la hanesan tanba ne’e formadór uza maneira rasik hodi hanorin formandu
sira kona-ba letra braille.
"Dejafiu no obstakulu ne’ebé maka durante ami
formadór uza hodi atende ba ami nia
kliente maka primeiru ema difisiensia kuandu asesu ba eskola edukasaun nao
formal barak mak nunka mais eskola husi kriansas to’o adultu wainhira iha
diferente balun adultu maka foin aprende
sira nia karakter ka hanoin la hanesan depende
maneira formadór utiliza oinsa sira bele atende ka komprende lalais letra
braille durante fulan tolu bele mós liu ", Tenik Formadór.
Rekomenda ba Ministeriu Edukasaun tenke tau atensaun
ba fasilidade sira nune’e maluk
defisiensia sira, bele asesu ba eskola iha eskola públiku no privadu sira iha Timor-Leste.
Jornalista :
Geraldino & Louvino da C. Magno (Estajiadu)
Editor :
Media RKDTL
0 Comments