Dili-10/01/2024-Media Defisiensia Sekertáriu Estadu Formasaun Profisionál no Empregu hamutuk ho representante HDR Korea iha Timor-Leste, inan aman no trabaladór/a Timor oan 60 sira asina deklarasaun hodi ba servisu iha Korea Súl iha tempu badak.
Tuir Sekertáriu
Estadu Formasaun Profisionál no Empregu Rogério Araújo Mendonça hatete
traballadór Timor oan sira ne’ebé asina deklarasaun hamutuk ho inan aman sira
hodi ba servisu iha Korea Súl tenke kuidadu aan labele halai ses husi sistema
tanba ba servisu iha Koreia lori Timor nia naran.
“Hanesan Sekertariu
estadu hato mensajen ba traballador/a foun sira hau hatete ba ita boot sira iha
Koreia ita tenke respeitu malu tanba kultura makas tebes tenke hatudu imi nia
atetude no prestasaun servisu ne’ebé mak di’ak iha Korea no ami sei haree hodi
halo ita boot sira nia pasaporte atu nune’e ita boot sira labele ses husi
sistema”, Dehan SEFOPE Rogério.
Sekretariu Estadu salienta
husu ba traballadór Timor oan sira labele halai ses husi sistema ne’e nia
implika ba traballadór sira makas tebes se traballadór sira ses maka hetan
dezastre ruma kompaña la fó kompensasi ba sira.
“Ita boot sira ses
husi sistema nia problema barak tebtebes hanesan hetan moras, dezastre no mate
ruma kompaña la fó kompensasi no imi laiha oportunidade atu mai vizita familia se
la sai husi sistema imi nia familia mate, moras imi husu kompaña fó tempu imi
bele mai haree familia depois bele ba fali Koreia”, Subliña Mendonça.
Iha fatin hanesan
Representante HDR Korea iha Timor-Leste Mr.Yang, husu ba traballadór Timor oan
60 ba servisu ho komunidade sira iha Korea tenke hatudu abilidade di’ak nune’e
servisu bele la’o ho susesu.
“Hau husu ba
traballadór Timor oan 60 ba servisu ho komunidade sira iha Koreia tenke hatudu
abilidade di’ak ho susesu, durante ne’e Timor-Leste ba servisu iha Korea tanba
ne’e ami husu ba traballadór sira ba iha Koreia tenke uza jaket mahar iha laran
no kaus Timor-Leste iha liur nune’e sidadaun Koreia bele hatene sira
traballadór Timor oan”, Tenik Representante HDR Korea iha Timor-Leste.
Mensajen ba traballadór
Timor oan sira tenke kuidadu saude di’ak iha Korea no kuidadu aan, labele
hanoin servisu iha Korea terus liu hodi ses aan husi sistema ne’e perigoju ba
ita boot sira, tenke fokus ba servisu durante iha Korea no bom traballu ba imi
60 tenke servisu ho di’ak no susesu to’o fila mai Timor.
Jornalista: Geraldino & Pascoal.
Editor: Média RKDTL
0 Comments