Dili-08/01/2024-Media
Defisiensia, Asosiasaun Halibur Defisiensia Matan Timor-Leste sei identifika
estudante sira ne’ebé durante fulan neen nia laran aprende ona letra brile hafoin kontinua hala’o
estudu iha ensinu rekorente.
Tuir Diretor AHDMTL
Gabriel de Sousa hatete, estudante ne’ebé identifika ona atu ba eskola iha
ensinu rekorente nain rua no sira seluk sei iha faze identifikasaun iha teste
ezame letra brille.
“Estudante ne’ebé
atu ba eskola iha ensinu rekorente ne’e tinan ida ne’e sei iha faze
identifikasaun iha ona dadus ema nain rua ne’e preparadu maibe seluk sei iha
hela prosesu identifikasaun tanba sira foin teste pasajem letra brille nian iha
fulan dezembru tanba ne’e sei iha faze identifikasaun nia laran hodi identifika
loloos se mak hatene letra brille mak bele ba eskola iha ensinu rekorente”,
Dehan Diretor.
Diretor salienta,
sira sei iha planu no politik organizasaun nian atu bele haree no foti maluk
defisiensia ne’ebé hakarak aprende letra brille tanba ne’e sira nia parte kada
tinan sira sempre tarjetu ema defisiensia matan 40 hodi tuir formasaun letra
brille no tinan ida ne’e iha faze prosesu nia laran hodi identifika maluk defisiensia
sira.
“Ita nia planu
kada tinan sempre foti ema defisiensia matan ne’e hamutuk 40 pesoas tinan ida
ne’e ita sei iha prosesu nia laran atu hatene dadus klaru iha fulan Fevreiru
nia laran agora sei identifika no kordenasaun hela maluk defisiensia sira kada tinan
AHDMTL sempre fó formasaun letra brille ba ema defisiensia matan hahu fevreiru
ba leten”, Tenik Sousa.
Nia parte husu ba
Ministeiru Edukasaun atu tau mos letra brille, lian jestual iha universidade sira atu ema defisiensia matan no
tilun sira bele aprende ho di’ak.
No rekomenda mos ba intituisaun publiku sira no eskola
publiku privadu atu kordena ho organizasaun defisiensia sira atu servisu
hamutuk hodi bele dezenvolve di’ak liu tan.
Jornalista
: Geraldino & Alexandre
Editor:
Media RKDTL
0 Comments