Dili-19/01/2024-Média
Defisiensia, Asosiasaun Halibur Defisiensia Matan Timor-Leste hamutuk ho FONTIL
halo limpeisa iha aldeia Lemokari to’o sede suku Manleu-Ana hodi bele redus
moras oin-oin no inundasaun iha sidade Dili.
Tuir
Diretor AHDMTL Gabriel de Sousa hatete inisiativu rasik hodi redus moras ne’ebé
sa’e makas tanba ne’e kordena ho autoridade lokal,sosiedade sivil, juventude no
komunidade sira hela iha área suku Manleu-Ana hodi halo limpeiza hamutuk hodi redus moras
sira tanba ne’e presiza hamos lixu sira iha sidade Dili.
“Ami
iha inisiativu rasik hodi redus moras ne’ebé sa’e makas tanba ne’e kordena ho
autoridade lokal,sosiedade sivil no komunidade sira hela iha área suku
Manleu-Ana halo limpeiza hamutuk hodi redus moras hanesan denge no malaria inklui
udan boot bele hamosu inundasaun no ami organiza malu hodi halo limpeiza hamutuk
ho komunidade no sosiedade sivil sira”, Dehan Diretor Gabriel iha AHDMTL Sesta
ne’e.
Diretór
salienta liuhusi limpeiza ne’e hodi prevene moras sira labele akontese ba
labarik no ema boot presiza moris iha ambiente ne’ebé mós no saudavel.
“Husi
limpeiza ida hodi prevene moras sira tanba ne’e ita kolabora ho parseiru sira no
joven sira hodi kontinua limpeiza kada sesta hamutuk ho sosiedade sivil sira
hotu no ohin hahu iha Aldeia Lemokari Suku Manleu-Ana no planu sei hamos ba
aldeia sira seluk no bairu sira hotu”, Salienta Gabriel.
Iha
fatin hanesan Diretor Advokasia FONTIL Jorje Madeira dehan atividade limpeiza
ida ohin AHDMTL hamutuk ho sosiedade sivil halo limpeiza iha uma-adat Manleu hodi redus lixu foer sira nune’e labele fó
impatu ba saude komunidade nian nomós redus inudasaun iha sidade Dili.
“Atividade
limpeiza ida ohin AHDMTL hamutuk ho sosiedade sivil halo limpeiza iha uma-adat
Manleu no ami nia planu ba oin hakarak loron sesta nafatin halo limpeiza jeral
atu nune’e hodi redus lixu iha sidade Dili no razaun seluk haree ba klima udan
no rai rahun bele lori nia impaktu ba ema bele hetan moras”, Subliña Jorje.
Nia
akresenta tan sosiedade sivil servisu hamutuk ho organizasaun defisiensia hodi
hamos lixu sira nune’e hadutu ba komunidade sira seluk hodi labele soe lixu
arbiru.
“Ami
hanesan sosiedade sivil ho organizasaun defisiensia sira ami koko atu hamos lixu
sira nune’e komunidade sira bele haree ema ho defisiensia matan no defisiensia
fisiku sira hamos lixu tanba ne’e ita hotu tenke kontribui hotu hodi hamos lixu
iha uma oin”, tenik Diretor Advokasia.
Husu
ba komunidade tomak tantu governu to’o mai baze ita konsidera sidade Dili ne’e
ita hotu nian tanba ne’e tenke soe lixu iha nia fatin no hamos lixu sira kada
loron hodi kontribui ba prosesu dezenvolvimentu.
Jornalista
: Geraldino & Louvino Magno (Estajiadu)
Editor
: Media RKDTL
0 Comments