Dili-27/11/2023-Media
Defisiensia, Asosiasaun Defisiensia Timor-Leste (ADTL) hamutuk ho Ministeriu
Solidariedade Sosial no Inklusaun realiza Enkontru ho Organizasaun Defisiensia
sira hodi diskuti hamutuk tekniku sira atu halo preparasaun ba loron Mundial EhD
nian.
Iha intervista ba RKDTL Diretor ADTL Cesário da Silva
hatete, Enkontru ida ne’e hamutuk ho Komisaun Organizadora husi Organizasaun
EhD no MSSI hodi diskuti hamutuk tekniku no fahe knar sira tanba tempu ba
Selebrasaun Loron Mundial ba EhD besik daudaun ona.
“Diak enkontru ida ne’e ba preparasaun ba loron
mundial ba Defisiensia nian ho komisaun konjunta ne’ebe mak iha Entre komisaun
Organizadora husi Organizasaun Defisiensia ho MSSI hodi diskuti tekniku sira
oinsa servisu preparasaun ba loron mundial Defisiensia tanba besik dadaun ona no
hahu iha dia 01 hahu aktividade no koalia kona ba tekniku sira oinsa fahe knar servisu
sira atu ida-ida bele iha ona knar ba tempu ne’ebe dadaun ona” Dehan Diretor
ADTL Cesário da Silva iha Salaun ADTL.
Nia hatutan Orsamentu ba loron Mundial EhD ho montante
ne’ebe boot tanba bazeia ba aktividade loron tolu nian no orsamentu refere prevee
husi Governu liu husi Ministeriu Solidaridade Sosial no Inklusaun.
“Orsamentu ba tinan ida ne’e eventu boot ho aktividade
ba loron tolu nian inklui mobilizasaun mos boot ema mai husi munisipiu kuaze 13
Munisipiu ne’ebe orsamentu prevee husi Governu liu husi Ministeriu Solidaridade
Sosial no Inklusaun kuaze prevee 100 mil e tal,” Hakotu nia.
Entretantu Organizador
ba Eventu ida ne’e hanaran komisaun konjunta husi parte Governu no mos Sosiedade
Sivil ne’ebe kompostu husi Organizasaun Defisiensia sira no ADTL nia Menbru no
Parseriu sira hotu iha Dili laran hamutuk Orgznisaun sanulu resin neen.
Jornalista: Ermenciana Alves
Editor: Media RKDTL
0 Comments