Dili-24/10/2023-Media
Defisiensia Ema ho Defisiensia matan labele vota rasik tamba votu laiha
letra brille, husu governu tau importansia iha eleisaun sira ho votu uza letra
brille.
João
Barreto husi Asosiasaun halibur defisiensia matan Timor-Leste hatete,
preokupasaun hirak ne’e hato’o ona ba parte governu husi inisiu eleisaun
presidensial no parlamentar maibé to agora seidauk aprova.
“Ami
labele vota mesak tamba votu sira laiha letra brille, nune’e ami presija ema
seluk akompaña ami husi ida ne’e ami senti vota la seguru ho segredu. Tamba
dalabarak ita nia hakarak atu hili kandidatu sira maibé depende mos ba ema
ne’ebé akompaña ita”. Tenik João Barreto iha fatin AHDMTL
Nia
hatutan governu la hadiak preokupasaun hirak ne’e maka defisiensia matan sei la
goja no hili tuir dever no direitu ne’ebé sira iha.
Iha
fatin hanesan Alexandria Freitas Marsal hatete, senti triste bainhira ba vota
la ho seguru no segredu no labele ezerse direitu mesak tuir saida maka hakarak
atu hili tamba laiha letra brille iha eleisaun hotu-hotu.
“Tinan
barak ona bainhira mosu eleisaun ami defisiensia matan sempre ba vota ho familia
no ema ruma ne’ebé akompaña ami, nune’e labele senti demokrasia ne’e rasik hodi
hili mesak tuir ami nia direitu tamba ne’e husu ba governu tau importansia ba
ema ho defisiensia matan nune’e tempu tuir mai bele hadia, atu ami bele asesu
mesak iha eleisaun sira”. Dehan Alexandria Freitas
Ema
ida atu ezerse sira nia direitu no dever presija vota mesak, votu ida bele
determina susesu ema ida nian no Nasaun ida, ema hotu-hotu iha direitu hanesan
hodi goja tuir demokrasia ne’ebé iha.
Jornalista:
Efifania dos Santos, Pascoal N. de Jesus & Alexandre Salsinha
Media:
RKDTL
0 Comments