TELKOMSEL SEI REKRUTA EMA DEFISIENSIA HODI SERVISU

Dili-18/10/2023-Media Defisiensia, kompaña rede Telekomunikasaun Telkomsel iha Timor-Leste hala’o sosializasaun ba Ema ho Defisiensia sira iha FUNDASAUN AHISAUN hodi prepara EhD sira no sei halo mos rekrutamentu atu fo oportunidade nune’e Defisiensia sira mos bele servisu iha Telkomsel.

Rekursu Humanu Telkomsel Avni

Ba Media Defisiensia Rekursu Humanu Telkomsel Avni hatete, objetivu husi sensibilizasaun ne’e atu bele halo rekrutamentu ba Defisiensia sira hodi bele servisu iha tTelkomsel.

“Ohin lron ne’e objetivu ami atu realiza kona ba halo rekrutamentu ba kolega Defisiensia sira relasiona ho programa ne’ebé ami esplika ona iha fulan 3 liu ba kotuk, ami dehan atu realiza programa rekrutamentu ba Defisiensia ne’e mak ohin loron ami husi rekursu humanum mai par halo sosialisasi par kolega sir abele prepara hela sira nia an no mos hanesan dokumentu ne’ebé presija iha rekrutamnetu ida ne’e,” dehan nia iha FUNDASAUN AHISAUN 13/10.

Nia hatutan, sira sei hein hela rekomendasaun husi Diretur FUNDASAUN nian kona ba ema nain hira mak bele tuir, no sei hruka mos CV ba Telkomsel atu nune’e bele hala’o prosesu rekrutamentu tuir regra ida ne’ebé mak iha.

partisipante Natalinu Alexandre da Costa

Fatin hanesan partisipante Natalinu Alexandre da Costa, apresia tebes ho kompaña Telkomsel tanba primeiru ves loke vaga atu fo oportunidade ba ema ho defisiensia sira, liu-liu ba maluk defisiensia sira ne’ebé akaba ona sira nia estudu atu bele kompete bai ha vaga refere.

Entretantu iha sensibilizasaun ne’e hetan partisipa maximu husi defisiensia sira iha Fundasaun Ahisaun.

Jornalista: Alexandre Salsinha & Pascoal N. de Jesus

Editor: Media RKDTL