LETRA BRILE IMPORTANTE BA DEFISIENSIA MATAN SIRA

 

Dil-23/10/2023-Media Defisiensia, Asosiasaun Halibur Defisiensia Matan Timor-Leste (AHDMTL) loke ona kursu ba lerta Brile atu nune’e bele tulun maluk Defisiensia matan sira bele asesu iha setor edukasaun no mos setor sira seluk.

Tuir Formador Isac da Costa Lemos hatete, formasaun ba letra brile ne’e importante tebes ba Defisiensia matan sira atu asesu iha parte hotu.

“Hau hanoin formasaun kona ba letra brile ne’e importante tebes ba defisiensia matan sira liu husi sira aprende letra brile ne’e sira bele asesu ba iha edukasaun no mos iha iha parte seluk mos,” dehan formador ne’e iha nia knar aftin Manleu.

Nia hatutan, difikuldade ne’ebe mak sira hasoru mak falta manual ba letra brile, tanba ne’e nia husu governu liu-liu ministeriu edukasaun tau mos importante ba asuntu ne’e.

Materia ne’ebé durante fasilita ba estudante sira uza de’it konesimentu ne’ebé mak iha hodi fasilita.

Fatin hanesan estudante Maria Verdial Freitas senti kontenti bainhira tuir ona formasaun letra brile, tanba liu husi letra brile nia bele asesu ba edukasaun no setor sira seluk. No oras ne’e nia eskola iha ensinu rekorente.

Jornalista: Alexandre

Media: RKDTL