KI SELEBRA LORON LIBERDADE IMPRENSA BA DALA 48

 
Pe. Urbanus Bunga lolon SVD Vigario Parokia Balibo

Dili-16/10/2023-Media Defisiensia, Konsellu Imprensa selebra Aniversariu ba loron Liberdade Imprensa ba dala 48 hodi hanoin fila fali Jornalista ne’ebe fakar ran iha rai Balibo nune’e mos hanorin Jornalista sira hodi hakerek Istoria timor nian.

Iha Intervista ba Jornalista sira hafoin misa agradesemento ba Loron Liberdade Imprensa ba dala 48, Pe. Urbanus Bunga lolon SVD Vigario Parokia Balibo Santo Antonio hatete selebrasaun ida ne’e hodi hanoin hikas fila fali Jornalista sira ne’ebe mate nune’e mos hanorin labarik no joven sira hakas an hodi hakerek Istoria Timor nian, tanba historia barak timor nian husi estranjerius sira mak hakerek.

“Hanoin fila fali kolega Jornalista sira ne’ebe mak mate iha ne’e  iha parte seluk selebrasaun ida ne’e hanorin Joven sira labarik sira atu bele hakas aan hodi hakerek tanba ita Ema timor ne’e koalia barak maibe labele hakerek, tanba ne’e ita lakon aspeitu mentalidade, aspectu kultura hakerek nian, tanba istoria timor nian barbarak maibe estranjeiru oan sira mak hakerek la’os timor oan mak hakerek tanba estranjeiru oan bele esplika timor oan husi  nia fuk to nia ain, oin sa estranjeiru oan bele esplika maibe timor oan rasik seidauk esplika, espera selebrasaun ida ne’e bele hanorin Joven sira labarik sira atu bele hahu ho mentalidade hahalok maneria ida no mo’os talentu oin sa atu hakerek” Dehan Pe. Urbanus Bunga lolon SVD Vigario Parokia Balibo.

Pe. Urbanus Bunga lolon ne’e hatutan apresia mos ba Governu tanba bele fo oportunidade ba Joven Jornalista sira atu hato’o sira nia talentu hodi hakerek tanba hakerek bele husik hela Historia liu husi hakerek rasik.

“ha’u apresia katak Governo fo oportunidade ba Joven Jornalista sira, atu bele hato’o sira nia talentu bakat oin sa atu hakerek nian, oinsa fo liberdade iha parte seluk ita mo’os espera katak, Governo suporta nafatin Joven sira atu hakerek hahu husi mentalidade hakerek nian, tanba ne’e ita lakon aspektu hakerek ita koalia maibe ita nunka hakerek, espera katak ho hakerek atu nune ita bele husik ita nia istoria ho hakerek laos ita konta istoria hanesan kultura adat nian, maibe ho hakerek atu nune’e bele husik istoria hakerek. Katak Pe. Urbanus Bunga lolon, SVD ba Jornalista sira iha Balibo.

Iha sorin seluk Presidenti Konsellu Imprensa Otelio Ote hato’o Mensagen ba Jornalista   Sira iha Misa agradesimento Igreja Balibo katak, Governu iha sekretario estadu prontu atu ajuda balibo oan sira karik hakarak Hari Radio no media online iha balibo   tanba ami iha konpremisiu balibo  hanesan  Ponte  ba luta nian tanba ne Balibo  tenki  iha  karakteristika ida rasik  husi  balibo ita hamosu konflitu husi balibo  ita hatun fali pas ba ita nia komunidade  iha ne, no Mos ba povu  Timor  laran tomak espera tinan  oin mai Tan ita sei Misa selebra  tinan  Balibo  Five hanesan  bainbain.

Jornalista: Eufrosina S. Brás $ Pascoal N. de Jesus

Editor: Media RKDTL