Dili-10/10/2023-Media
Defisiensia, Secretario Estado Arte no Kultura servisu hamutuk ho
Centro Nasional Chega realiza enkontru ho liña Ministeriais relasiona ho eventu
festival fronteira 2023 ho tema interkambiu kultura ba promove rekonsiliasaun.
Sekretariu
Estadu Arte no kultura (SEAK) Jorge Soares Cristovão hatete, antes atu hala’o
atividade ba eventu festival refere presija
kolabora hamutuk ho liñas Ministeriais sira hotu hodi bele fó opiniaun no sai
mós seksaun ba iha atividade ida ne’e.
“Objetivu
iha enkontru refere ho liña Ministeriais sira hodi prepara ba atividade eventu
festival interkambiu kultural, atividade refere tuir lolo’os realiza iha loron
28 fulan outobru maibe iha tempu refere ita sei hala’o Eleisaun Suku, tamba
ne’e muda atividade refere ba loron 15 to’o 19 fulan Novembro” Tenik Sekretariu
Estadu Arte e Kultura iha salaun konferensia CNC.
Sekretariu
ne’e hatutan atividade ida ne’e sei hala’o iha fronteira durante loron tolu
hodi hare mos maluk NTT sira hodi hatudu sira nia festival kultura iha
fronteira. Alende festival sei iha mos feira, hatudu mós talentu
no jogo amizade entre fronteira.
Iha
fatin hanesan Diretór Ezekutivu Centro Nasional Chega (CNC) Hugo Maria
Fernandes salienta, atu hala’o atividade ne’e lao ho di’ak maka presija
orsamentu nomós ekipamentus sira hodi apoiu masimu presija mós hetan lisensa
husi Governu Timor-Leste.
“Ami
enkontru ida ne’e atu hare mos ba apoiu orsamentu no apoiu ekipamentu halo mos kondenasaun ho patrimoriu estado nian
ba transporte, komunikasaun hanesan (SECOMS) atu bele tutela ba media sira
oinsa bele halo live ka notisia ruma kona-ba eventu refere”. Dehan Diretor Hugo
Maria Fernandes
Partisipa iha enkontru refere husi Ministerio
Turismu e Ambiente, Ministerio Comercio Indústria, Ministerio de Estatal,
Ministerio Eletrisidade e Agúa, Ministerio comunicacão Sosial, Ministerio
Interior, Ministerio Joventude e Desportu Arte e kultura
hamutuk ho Centro Nacional Chega ne’ebe maka halo ona komunikasaun ho
NTT sira.
Festival
ida ne’e sei hetan partisipasaun husi kabupati Kupang, Malaka, no Kefa no Liña
Ministeriais sira hotu iha Timor-Leste.
Jornalista:
Pascoal N. de jesus
Editor:
Alexandre Salsinha
0 Comments