ESTUDANTE FINALISTA FEAH HAMUTUK 641 REALIZA YUDISUM BA DALA XXIX

 

Dili-11/10/23-Média Defisiensia Estudante finalista hamutuk 641 husi Universidade Nasional Timor-Lorosa’e, Fakuldade Edukasaun Artes e Humanidades realiza Yudisium ba dala XXIX hodi prepara ba graduasaun iha tinan ida ne’e.   

Magnifiku Reitor Universidade Nasional Timor-Lorosa’e João Soares Martins

Tuir Magnifiku Reitor Universidade Nasional Timor-Lorosa’e João Soares Martins, fó parabens ba Estudante Judisiariu sira hotu tanba sira mak futuru profesores ba Nasaun Timor-Leste ho esforsu no dedikasaun tomak ohin bele realiza yudisium ho numeru ne’ebé boot ne’e hanesan atinjimentu ida ba fakuldade no universidade.

“Parabens ba finalista sira tanba futuru profesores ba Nasaun Timor-Leste ho ita boot sira nia esforsu no dedikasaun tomak ohin bele too iha momentu ida ne’e no ohin halo Yudisium ho numero ne’ebé boot ne’e hatudu prestasaun di’ak ba Fakuldade no Universidade”, Dehan Reitor UNTL iha Salaun Tera Santa Tasi Tolu.

Dekano Fakuldade Edukasaun Artes e Humanidades Teodoro Soares

Iha fatin hanesa Dekano Fakuldade Edukasaun Artes e Humanidades Teodoro Soares hateten iha tinan ida ne’e finalista husi FEAH liu husi Departamentu sanulu (10) ne’ebé sura hamutuk 641 mak partisipa iha seremonia yudisium.

“Tinan ida ne’e ami deside tanba ami nia nomor finalista bo’ot tebes hamutuk 641 pesoas ami Atribui ho Inan Aman ami bele atingi kuage 2000 mil entaun ami nia fatin iha Fakulidade Educação ne’e lakobre ona antes ami deside buka fatin ida ne’ebe diak hodi kobre hotu numero ne’ebe makas sei partisipa iha seremonia yudisium iha salaun Tera Santa kobre Departamentu 10 no barak liu mak Estudante Departamentu Matematika”, dehan dekano Teodoro.

Nia subliña yudisium ne’e sai parte ida husi tradisaun Fakuldade nian presiza konsidera hodi valoriza hanesan momentu importante ba finalista no professores iha banku akademiku tanba ne’e dekanu nia esperansa ba finalista sira katak ho idade ne’ebé sei joven tenke kontinua estudu nafatin ba mastrado tanba timor persiza rekursu umano ne’ebe ho kualifikadu.

“Hau nia esperansa ba sira katak sira lisensatura sira joven tebes idade sei nurak e hau nia esperansa ba sira tenke kontinua sira nia estudu mastradu doutorado tanba timor ne’e persiza tebes rekursu umano ne’ebe ho kualifikado Tanba ne’e tenke valoriza hodi identifika fatin ne’ebé dignu nune’e finalista no inan aman sira bele senti katak festa ida ne’e festa akademika”, dehan dekano.

Estudante Finalista Adriano Monis ho kondisaun Defisiensia

Estudante finalista Adriano Monis ho kondisaun defisiensia sente kontente ho esforsu ne’ebé nia iha ohin bele hola parte iha yudisium ida ne’e iha UNTL-FEAH husi Departamentu Ensinu Matematika hein ba graduasaun iha tinan ne’e.

“Hau senti kontenti tanba esforsu ne’ebe mak hau hasoru hotu duni ona hau senti ita defisensia dezafiu ne’ebé ita hasoru tenke hasoru duni buat ne’ebé todan ita hasoru senti labele mak dehan labele no hau sei buka oportunidade hodi kontinua tan hau nia estudu tanba estuda ne’e laiha limitasaun.

Entretantu finalista ne’e Husu ba kolega sira labele moe ho kondisaun tenke iha espiritu ne’ebé forsa hodi bele aprende no konsidera ita nia an hanesan ho ema la defisiensia sira tanba ita iha abilidade rasik. 

Jornalista: Geraldino Magno no Efifania dos Santos

Editor: Media RKDTL