Aileu-28/10/2023-Media
Defisiensia, Alda Paulino Maia hakarak kandidata an ba Xefe Aldeia
Aslimati Suku Hoholau Postu Administrativu Aileu Vila Munisipiu Aileu atu
motiva joven feto no mane sira liu-liu feto maluk sira ne'ebé vuneravel liu iha
aldeia refere.
Iha nia Programa hatete, hanesan
feto ho fuan boot kandidatu an ba xefe Aldeia bele motiva joven sira iha aldeia
refere.
" Ha'u hakarak kandidatu an
ba xefe aldeia atu nune'e bele motiva joven feto no mane liu-liu ba ha'u nia
feto maluk sira ne'ebé iha área rurais la hetan motivasaun ne'ebé di'ak no mós
informasau ne'ebé di'ak kona ba feto vuneravel no mós feto ne'ebé potensial iha
ami nia aldeia, tuir lei hatete katak feto mós iha direitu atu bele lidera iha
suku no aldeia, tanba direitu la'ós ba mane de'it maibé feto mós iha direitu
atu lidera,"dehan kandidata Alda iha Aldeia Aslimati.
nia hatutan, se povu fo fiar, nia
sei tau matan ba problema ne'ebé iha, no promete sei harii sede aldeia foun
hodi bele halibur populasaun sira iha fatin refere.
"se povu fo fiar ba ha'u mak
sai hanesan xefe aldeia atu ukun maka ha'u sei hare ba problema ne'ebé sira
hasoru no sei harii mós Sede Aldeia ne'ebé oras ne'e at ona, la hanesan fali
sede aldeia," hakotu nia.
Enkuantu Total populasaun husi aldeia
refere hamutuk 405.
Jornalista: Alexandre Salsinha
Media: RKDTL
0 Comments