Direktur Diresaun Nasional Empregu Exterior Filomeno Soares
Dili-19/09/2023, Media
Defisiensia - ba oras ne’e SEFOPE
hamutuk ho Ministeriu Corea prepara hela teste ba traballador Timor oan hamutuk
490 iha area fabrika durante loron 4 nia laran.
Iha intervista
Direktur Diresaun Nasional Empregu Exterior Filomeno Soares hatete, traballador nain 490
ne’ebé manan ona iha teste lian corea agora hakat fali ba iha teste fiziku
nian.
“Sekretario Estadu Formasaun Profisional de Empregu
(SEFOPE) liu husi diresaun empregu exterior kopera hamutuk ho Ministeriu
trabalho Coreia hodi delega hamutuk ho estadu coreia hodi halo preparasaun ba
teste fiziku ba trabalhador ne’ebé manan ona iha area Fabrika nian, Total husi
trabalhador ne’ebé halo ona teste iha area fabrika hamutuk 490 husi programa
sira sei fo teste fiziku ba sira loron ida fo teste ba ema nain 100. Teste
fabrika refere sei autoriza teste husi Estadu Coreia rasik durante loron haat,
no Feto 20 mane 470 teste hahu iha tersa no sei remata iha sesta,” dehan
Sekretariu Estadu ne’e iha Centru Formasaun Becora Dili.
Nia hatutan, traballador hirak ne’e bainhira remata ona
teste fiziku sei submeter ba dokumentus hodi teste fali médiku nian.
Bainhira halo hotu na teste hotu-hotu hein hodi submete
dokumentus ba teste mediku nomós halo passaporte nune’e bele rejistu hodi manda
ba kompania correa nune’e bele hein deit ona kontratu manda husi kompania sira.
Husi 490 ne’e passaporte kompletu Hatete teste ne’e hanesan kompetisaun tamba
atu hare valor teste fiziku husi traballo corea maka sei fo no sira rasik mak
manda direta ba corea, disiplina ne’e importante,” informa nia.
Sekretariu ne’e husu ba taraballador sira ne’ebé karik la
pasa iha teste ne’e la bele lakon esperansa tanba sei iha oportunidade tuir
mai.
“Mensajem ba traballador sira ne’ebé hala’o hela prosesu
teste fiziku karik la passa iha faze ida ne’e labele lakon esperansa tanba sei
iha oportunidade katak loron ida ita boot sei ba coreia importante fiar an no
vontade nafatin hodi hein ita boot nia mehi. Kompania corea hatete teste ohin loron
hanesan tes skill ba estudante sira ne’ebe maka pasa tiha ona iha teste lian
corea agora pasa ba teste skill baziku ikus liu maka intervista, sira nia valor
foti husi Sistema automatika ne’ebe iha ona tablet bainhira teste remata sira
naran sei hatama iha Sistema. Objetivu husi skill teste ida ne’e hodi hare
valor sira husi teste lian corea ba kapasidade nomós fiziku hare liu ba data
altura no saude kapasidade no vontade nune’e bele halo mos filmajem ruma husi
sira nia teste hodi haruka ba kompania ne’ebé iha corea hodi halo seleksaun ba
traballador sira, Skill baze test ba prosesu tolu hanesan sub kategoria monta
iha Ro laran,” hakotu nia.
Entretantu Timor oan sira ne’ebé hala’o hela prosesu
teste ba fiziku sei hala’o mos teste skil no médiku hafoin liu faze hirak ne’e
mak bele ba servisu iha corea.
Jornalista : Pascoal N. de Jesus
Editor : Alexandre Salsinha
0 Comments