SEI HAMUTUK HO PARSERIU RETIRA FORMASAUN BA KOBERTURA SENSIVEL JENERU NO IKLUSAUN

 
Dili-29/09/2023- Media Defisiensia, Secretaria de Estado Para a Igualdade e Inclusão hamutuk ho Parseriu sira hanesan: SECOMS, Nabila, JSMP no KI retira formasaun ba Jestores Radiu Komunidade Inklui Jestores Sentru Formasaun sira iha Dili nomos Munisipiu kona-ba Reportanjen Sensivel ba Jeneru no Inklusaun.

Iha intervista ba Jornalista sira Sekretaria Estadu ba Igualidade (SEI) Elvina Sousa Carvalho hatete, formasaun ne’e importante ba Radiu Komunidade sira hodi transforma mentalidade sosiedade nian nune’e ligasaun ba asuntu igualdade no sensivel ba jeneru

“Atu hatete deit formasaun ne’ebe akontese tanba hetan resultadu servisu hamutuk SEI, SECOMS, Programa Nabilan JSMP no KI, ami hatene katak radiu komunidade sira importante tebes atu transforma mentalidade sosiedade nian tanba sira nu’udar radiu komunidade ne’ebe besik hodi fo sai komunidade nia lian, ami hakarak sira sai hanesan aliadu ba transformasaun mentalidade liu-liu ba iha asuntu igualdade sensivel ba jeneru” dehan Elvina Sousa Carvalho iha salaun Maria Gurete SEI Cai-coli.

Nia hatutan Formasaun loron lima ne’e fiar katak jestores, no Jornalista sira husi Radiu Komunidade tanba sira iha barajen informasaun lubuk ida iha futuru sira nia produtu Jornalista sira sensivel ba asuntu Jeneru no kontribui ba eliminasaun kualkuer tipu Violensia hasoru Feto, Labarik feto, Defisiensia no Vunerabel sira iha Timor-Leste.

Fatin hanesan Secretariu Estadu Komunikasaun Sosial Expedito Dias Ximenes iha nia parte hatete, Agradese ba SEI tanba bele realiza formasaun ba Radiu Komunidade durante loron lima nune’e mos bele halo sensibilizasaun ba igualdade Jeneru hodi dezenvolve feto iha Dezenvolvementu Nasional.

“Hau hakarak agradese ba SEI tanba Bele Halo Formasaun ba Kolega sira husi Radiu Komunidade, tanba ita hotu hatene radiu komunidade hanesan informasaun ne’ebe importante iha lina frente hodi hato’o informasaun ba komunidade sira, nune’e oinsa halo sensibilizasaun ba iha Igualdade Jeneru, tanba dala barak ita halo kobertura no produtu jornalista sira ladun Sensivel ba Igualdade Jeneru, Tanba ne’e Formasaun ne’e importante, SECOMS senti katak SEI halo formasaun ida ne’e diak tebes no SECOMS sei nafatin apoiu karik iha tempu oin mai laos ba deit Jornalista radiu komunidade maibe ba mos Jornalista ho orgauns Komunikasaun sira hotu espesial ba sira nebe halo kobertura ba iha feto no hein katak Jornalista feto mai tuir duni formasaun sira hanesan ne, mesmu loron lima deit maibe iha produtividade ne’ebe diak tanba sira kompriende oinsa sensivel ba igualdade jeneru liu-liu promove feto iha Dezenvolvementu Nasional” dehan Expedito Dias Ximenes iha salaun Maria Gurete SEI Cai-Coli.

Enkuantu formasaun ne’e hetan partisipasaun masimu husi Jestores Radiu Komunidade no Jestores Sentru Formasaun sira husi Munisipiu sanulu resin rua inklui Raeoa Oecusse ho total partisipante ba formasaun durante loron lima hamutuk ema na’in tolu nulu.

Jornalista: Ermenciana Alves

Editor: Alexandre Salsinha