Dili 07/09/2023, Media
Defisiensia - Organizasaun Fundasaun Patria servisu hamutuk ho Plan
Intenasional realiza kolokiu treinamentu Nasional ba Radiu Komunidade sira hotu
hodi valoriza informasaun ba Eleisaun suku
Prezidente Organizasaun Fundasaun Patria Filomena Barros
dos Reis iha Kolokiu hatete, atividade refere realiza hodi valoriza no garante
informasaun sira iha Eleisaun suku liuliu iha area rural sira.
" Objetivu husi treinamentu ida nee atu bele hatene
Klean liutan informasaun sira liga ho papel media no papel orgaun eleitoral
sira nia progresu servisu iha prosesu Eleisaun ne'ebe demokratika no inklusivu
iha Timor-leste ". Dehan Filomena iha Salaun Tower
Programa nee Hala'o tamba atu hatene informasaun sira
akumula husi radiu Lokal sira ne'ebe sei kobertura iha Eleisaun suku nian.
Atividade nee partisipa husi Secretario Estado SECOMS
Expedito Loro Dias Ximenes hatete apresia ho atividade husi Fundasaun Patria
tamba bele garante no valoriza hela knaar Conselho de Imprensa nian ba
jornalista media sira ba Eleisaun suku nian.
" papel media importante tebes atu divulga informasaun husi
komunidade iha area rural sira, bele ezerse sira nia direitu iha prosesu
Eleisaun suku, hodi promove informasaun ne'ebe diak hodi valoriza festa
demokrasia ho saudavel iha komunidade nia le'et." Tenik Secretario Estado
SECOMS.
Secretario nee hatutan, Radio Komunidade ohin loron besik
liu komunidade sira iha kapital nomos Munisipiu hodi fo sai preokupasaun
komunidade nian.
Reprezentante Conselho Nasional de Eleisoes (CNE),
Evangelino Fatima de Sousa hatete, apoiu atividade husi Organizasaun Fundasaun
Patria realiza ne'e importante hodi partiha informasaun antes tama ba Eleisaun.
"programa Eleisaun suku preparadu ona ba fulan ida
nee tuir papel CNE nian hodi destaka ba iha Munisipiu sira hodi servisu hamutuk
kandidatura sira hodi tuir regras Lei konstituisaun RDTL nian.
Entretantu atividade refere organiza husi fundasaun
Patria partisipa husi radiu komunidade 23 husi munisipiu hotu no hetan apoiu
husi plan international no uniaun Europeia.
Jornalista : Efifania dos Santos
Editor : Alexandre Salsinha
0 Comments