Dili 13/09/2023, Media Defisiensia
- Movimentu Estudante Munisipiu Manufahi lamenta tebes ho aktus hira ne’ebé mak
akontese hodi hamate komunidade sira nia karau iha suco Betanu, Aldeia
Selihasan, komunidade sira kaer toman iha dia 10 de Setembru 2023, mais ou
menus oras tuku 04:20 madrugada, iha dalan kruzamentu entre mota kelan no
Feriksare.
Tuir informasaun no kronolojia ne’ebé maka iha katak, aktu ba uza kilat ka
arma pezada ba kasa ou tiru komunidade nia animal hakiak ne’e laos foin mak
akontese maibe dala ne’en (6) ona. Ho nune’e obriga karau nain sira kalan-kalan
tenke ba toba hein karau iha karau luhan
Tamba ne’e husi movimentu estudante munisipiu Manufahi, ami kondena I lamenta
tebes ho aktu ne’ebé maka komete husi oknum polisia military ho oknum veteranus
ne’ebé mak oho karau hakiak no animal
fuik sira iha munisipiu Manufahi:
·
Uza
Armas estadu nian hodi oho animal povu nian iha tempu kalan
·
Uza
Armas estadu nian atu hodi asegura povu husi konflitu ruma ne’ebé mak akontese
iha rai laran, laos ba oho fali povu sira nia rikusoin ne’ebé mak hodi sustenta
familia.
·
Oknum
refere ne’ebé mak uza armas pezadus hodi oho povu nia animal, kontra tebtebes
ona lei Ambiental nian.
·
Oknum
veteranus ne’ebé sai matadalan ba oknum polisia militar ne’ebé hodi oho karau
povu nian kontra ona prinsipiu luta na’in sira nian katak liberta patria no
liberta povu.
·
Guarda
Floresta Munisipiu Manufahi la profisional hodi halo prevensaun ba kasa ilegal
sira ne’ebe mak uza tempu kalan hodi oho povu sira nia animal no ani9mal fuik
sira ne’ebe sai hanesan rikusoin Nasaun nian.
Iha akontesimentu ida ne’e oknum ilegal sira konsege tiru mate komunidade
sira nia animal hakiak sira hanesan karau no animal fuik sira hanesan Rusa.
Ho ida ne’e ami husu ba orgaun no instituisaun relevante sira:
1. Husu ba prezidente da Republika hanesan mos komandante da
Supremo, atu halo xamada atensaun ba Autoridade militar sira ne’ebé uza armas
povu nian hodi ba oho povu sira nia animal.
2. Tamba ne’e ami husu ba komandu F-FDTL, atu foti medida
hasoru oknum polisia militar ida ne’ebé uza armas povu nian, hodi ba oho povu
nia animal.
3. Husu ba Prezidente Konsello Veteranus Timor-Leste, Atu
sama atensaun ba oknum veteranus ida ne’ebé sai hanesan natadalan hodi la’o
hamutuk ho oknum polisia Militar ida oho povu nia animal.
4. Husu ba parlamentu nasional liu husi komisaun B, atu halo
fiskalizasaun ba erru ne’ebé akontese iha munisipiu Manufahi, tamba kartus
ne’ebé uza hodi oho povu nia animal ne’e
uza povu nia osan hodi sosa.
5. Husu mos ba provedoria dos Direitus Umanus no justisa
(PDHJ) atu halo investigasaun profunda ba kazu ne’ebé oknum sira oho animal iha
Munisipiu Manufahi no rezultadu investigasaun tenke publika sai ba publiku.
6. Husu ba Ministeriu Defeza, atu halo atuasaun rigor ba
oknum ida ne’ebé utiliza armas hodi oho animal povu sira nian.
7. Husu mos ba Ministeriu Agrikultura liu husi Sekretariu
Estadu Floresta atu konderna oknum sira ne’ebé utiliza armas povu nain hodi oho
animal, tuir lei ne’ebé vigor ona iha Ministeriu relevante.
Hanesan Estudante ami husu ba instituisaun hirak ne’ebé
mensiona iha leten, atu foti medida imediata ho rigor hasoru kualker oknum sira
ne’ebé uza armas povu nian, hodi kasa ilegal iha Munisipiu Manufahi.
Jornalista
: Pascoal N. De Jesus
Editor : Ekipa Media RKDTL
0 Comments