Dili-22/09/2023-
Media Defisiensia, João Barreto hala’o nia prosesu estudu iha Universidade
Nacional Timor Lorosa’e (UNTL), iha tinan (2018), Antes nia iha mehi ida katak
tenke remata nia estudu ikus mai nia atinji no remata nia estudu Universidade
iha loron 11 fulan Abril tinan 2023.
Haktuir
João Barreto nia prosesu estudu, hetan motivasaun husi kolega ne’ebe hala’o
hela sira nia estudu iha Universidade (UNTL) katak ema hotu-hotu iha direitu
hanesan la hare ba ema ho defisiensia. Nune’e ho esforsu aan hodi estuda, no
aprende barak liu kona-ba hakerek iha letra brille nian.
Hahu
estudu iha Universidade (UNTL), João Barreto ho inisiativa rasik, maibé nia hakbesik aan ba Organizasaun defisiénsia sira
hanesan Asosiasaun (ADTL), hodi hetan suporta
selu eskola. Ikus mai nia asesu
ba universidade.
Bainhira
João Barreto remata no atinji nia estudu sai hanesan mata
dalan ida ba kolega Defisiénsia matan sira hodi bele promove sira nia aan, no
hatudu sira nia talentu kapasidade ne’ebe diak,
hodi bele hasa’e sira nia abilidade bele asesu ba ensinu superior . tamba ne’e labele
lakon oportunidade, tempu to’o ona ita defisiénsia matan mos bele asesu ba
edukasaun formal fiar aan lao ba oin.
João
Barreto nia susesu sai hanesan ezemplu bo’ot ida ba kolega defisiénsa matan
sira iha area rural, hodi motiva sira iha vontade atu bele asesu ba eskola iha
ensinu baziku no Universitariu. Tamba agora daudaun ema hotu-hotu iha direitu hanesan atu asesu ba
edukasaun tanba Edukasaun sai hanesan
riku-soi mundu nian, aprende diak liu tan hodi bele dezemvolve ita nia moris,
no dezenvolve ita nia Nasaun
Husu
ba kolega defisiensia matan sira tenki hakbesik an ba maluk defisiensia sira,
lalika rona husi familia no komunidade sira nia lian, husu ba familia sira mos
labele halo deskriminasaun ba kolega defisiensia matan sira, no sira bele
hakbesik an ba organizasaun defisiensia sira atu bele tuir formasaun Letra
Brail, atu nune’e bele asesu ba edukasaun non-formal.
Mensajem
husi João Barreto ba maluk defsiensia sira hotu tenki iha vontade atu bele asesu ba eskola no tuir formasaun sira ne’ebe mak iha. Atu nune’e ema
ho defisiensia labele lakon oportunidade, tenki aproveita oportunidade ne’e ho di’ak
tamba ita hotu-hotu iha deireitu
hanesan, maske kondisaun mak defisensia maibe abilidade no kapasidade la
defisiensia, nune’e hatudu ba publiku ema ho defisiensia mos bele.
Jornalista:
Efifania dos Santos
Editor:
Alexandre Salsinha
0 Comments