IX GOVERNU SEI HARE PCIC HODI LAO TUIR NIA MISAUN

 

Primeiru Ministru Kay Rala Xanana Gusmao

Dili-03/08/2023-Media Defisiensia, Primeiru Ministru Kay Rala Xanana Gusmao sei hare Polisia Cientifiku Investigasaun Criminal (PCIC) atu lao tuir nia misaun ne’ebé iha atu la bele kaer ema arbiru.

Tuir Xefe Governu ne’e hatete, husi Governu ida ne’e sei hare atu bele halo mudansa ba PCIC atu la bele kaer ema arbiru.

“Tenki iha mudansa mentalidade no tenki iha mudansa de atuasaun tanba PCIC forma ho ninia kbi’it ne’e ba saida, tanba ne’e mak ita dehan katak Policia Cientifica, se Policia Cientifika laos ema ba naok hudi nia ba prende, ne’ebé sei iha no sei hala’o tanba ita hakarak atu servi povu, tanba ne’e PCIC agora tenki buka atu fo hanoin fali katak ninia servisu ne’e saida, laos atu ba kaer ema deit lae, Policia Cientifika de Investigasaun, nia uza Ciensia mak investiga laos atu ba kaer,” dehan Xefe Governu hafoin hasoru malu ho Presidenti Repúblika iha Palasiu Presidensial Bairu-Pite Dili.

Enkuantu tuir informasaun ne’ebé hato’o husi Xefe Governu katak sei hadia PCIC atu bele hala’o kna’ar lolos tuir sira nia misaun rasik.

Jornalista: Alexandre Salsinha

Editor: Alexandre Salsinha