Haktuir
historia moris husi inan Joaquinha ba oan Enio nia kondisaun, husi momentu
ne’ebé nia oan Enio moris Inan Aman no familia seidauk indentifika katak Enio
iha moras ida hanesan ne’e maibé moris ho kondisaun hotu di’ak hanesan labarik
sira seluk.
Bainhira
Enio kompleta ba fulan 9, nia afeta ona moras refere ho naran down syndrome
moras ne’e mosu hanesan, nakdedar, monu ba rai halo kaben mutin sai husi ibun,
isin lolon estika aan, nomós hakilar no labele koalia. Moras refere aumenta
makas bainhira Enio halo idade 10 nune’e nia afeta moras liutan ate agora.
Kondisaun
ne’ebé Enio hasoru sai problema boot ba nia moris no familia, loron ba kalan
halo Enio labele moris ho hakmatek, labele halo komunikasaun ho familia, labele
han mesak, fo impaktu mós ba nia hanoin.
Hanesan
inan hatete senti triste ho kondisaun ne’ebé nia oan Enio hasoru, maske halo
ona tratamentu husi hospital konsumu aimoruk barak inklui aimoruk tradisional
maibé nia oan nafatin afeta moras refere too ohin loron.
Inan
ho Aman ne’ebé fuan domin na’in nafatin koidadu no proteje hodi buka meus
oi-oin atu bele rekopera oan Enio nia kondisaun, maibe buat hotu labele muda
husi saida maka sira hakarak ho nune’e nafatin agradese no simu ba buat hotu
ne’e bé iha ona husi moris ne’e.
Inan
Joaquinha ho Aman Ananias husu ba parte governo ka parte organizsaun ne’ebé tau
matan ba ema ho defisiensia sira atu hare netin ba moris ho kondisaun ne’ebé
labele kura ka hadok husi nia oan nia moris.
Jornalista:
Sandra dos S. Trindade, Eufrosina S. Bras, Sandra Julia no Ermenciana Alves
Editor:
Alexandre Salsinha
0 Comments