Imajen: Eduardo Camilo Ximenes
Dili-17/07/2023-
Media defisiensia-Eduardo Camilo Ximenes moris iha loron 25 fulan Marco tinan
1976 husi Munispiu Manatuto Postu Administrativu Soibada Suku Samoro aldeia
Uma-Kerek Leten Bairu Bubur-Fahi, oan husi Aman Antonio Camilo no Inan Rosa Ximenes,
nia mak oan Mane mesak iha familia uma laran, no moris hanesan ema ho
Defisiensia Mental.
Eduardo
Camilo Ximenes ho idade 47 maibe nia labele ezerse nia direitu iha Elpar
hanesan sidadaun sira seluk, tanba ho kondisaun ne’ebe nia hasoru la fo espasu
ba nia hodi trata kartaun eleitoral.
Eduardo
senti ho kondisaun ne’ebe nia hasoru susar los ba nia tanba nia labele moris
hamutuk ho familia sira, tanba ne’e durante tinan naruk nia laran ho kondisaun
ne’ebe nia hasoru no obriga nia hodi moris hamutuk deit ho natureza.
Momentu
Eduardo moris la ho kondisaun defisiénsia wainhira liu tiha tinan 15, hetan
moras no halo duni tratamentu maibe to’o ohin loron nia labele hetan kondisaun
diak hanesan ema seluk.
haktuir
Julio Alves Sarmento Sarmento hateten Tiu Eduardo Moris mai laho Defisiensia
wainhira nia halo tinan 15 moras halo nia sai tia ema ho defisiensia mental
maibe nia la grave liu tanba nia la estraga ema nia sasan to’o ohin loron nia
la’o hamutuk deit ho natureza, no halo tuir saida mak natureza nia hakarak,
tanba natureza halo nia labele hela hamutuk ho familia, ho nune’e moris ne’ebe
nia hasoru durante tinan naruk laiha ona dalan ba nia, tanba nia papa ho mama husik
ona nia mundu ne’e, no to’o ohin loron tiu Eduardo mos la forma familia.
Julio
hatutan, tuir ha’u nia hare durante tinan naruk nia laran ha’u nia tiu hetan
moras mental hahu husi tinan 15-47 ona seidauk hetan apoiu hanesan subsidi ka
nesesidade basiku sira husi parte Governu ka Organizasaun Defisiensia ne’ebe
servisu ba asuntu defisiensia nian.
Hanesan
reprezentante ba ha’u nia tiu hakarak rekomenda ba parte Governo ka Organizasaun
Defisiensia sira nebe servisu ba asuntu defisiensia nian atu bele buka dalan netik
ba ha’u nia tiu hodi hetan fali tratamentu no mos bele hetan kartaun eleitoral ho
nune’e bele hetan mos apoiu subsidi husi parte governu hodi sustenta nia moris
hanesan sidadaun sira seluk.
Jornalista:
Ermenciana Alves
Editor :
Alexandre Salsina
0 Comments