Dili-23/04/2024-Midia
Defisiensia, Autoridade
Protesaun Sivil iha loron 15-22 fulan Abril tinan 2024 durante semana ida ne'e
registu familia uma-ka’in hamutuk 30 mak hetan estragus husi dezastre naturais
ne'ebé akontese iha teritoriu timor laran tomak.
Tuir Diretur Grec Cesario da Silva Marques hateten, durante akontesimentu dezastre naturais iha teritoriu Timor laran tomak APC
registu vitima 30 no halo kedas apoiu emerjensia ba vitima sira.
"Durante semana ida nia laran iha teritoriu timor
laran tomak Autoridade Protesaun Sivil, Sekretariu Estadu Protesaun Sivil no
Ministeriu Interior registu xefi familia uma-ka’in hamutuk 30 mak hetan
estragus husi dezastre naturais ne'ebe akontese", Dehan Direktur Grec
Cesario da Silva Marques Iha Salaun Konferensia APC Kaikoli, 22/04.
Direktur ne'e hatutan, iha Munisipiu 9 mak APC registu
hetan estragus husi dezastre naturais, no dezastre sira ne'e ho tipu la hanesan maibe maoria anin sobu uma.
"Munisipiu sira ne'ebe hetan estragus mak hanesan
Baucau kauza husi anin bo'ot sobu uma-ka’in (5), Bobonaro anin sobu uma-ka’in (2),
Covalima insediu urbanu (1), Ermera anin sobu uma-ka’in 1 no rai halai hodi sobu
uma-ka’in (1), Lautem anin sobu uma 1 ho insediu urbanu (1), Manatutu kauzu
husi udan bo'ot hodi bee sae tama komunidade nia uma, Manufahi anin sobu uma-ka’in
(1), Oekusi anin sobu uma-ka’in 10 bee sae (1) no insediu urbanu (1), Munisipiu
Viqueque anin sobu uma-ka’in (3) no rai halai estraga uma kain (1)", Nia
Informa
Entretantu vitima ba dezastre naturais sira oras ne’e hetan ona apoiu emerjensia husi komandu APC ho parseriu relevante sira iha Munisipiu ida-dak apoiu aihan no ba oras ne'e komando operasional autoridade protesaun sivil iha Munisipiu sira sei kontinua halo hela levantamentu dadus ba vitima hirak ne'e.
Jornalista : Pascoal de Jesus
Editor : Media RKDTL
0 Comments